ఆస్ట్రేలియా ఓపెనర్గా మూడు ఫార్మాట్లలోనూ ఎన్నో రికార్డులను తిరగరాసిన వార్నర్.. సౌతాఫ్రికాపై సెంచరీ చేసి సచిన్ రికార్డ్ను బ్రేక్ చేయడంతో పాటు కొత్త రికార్డ్ సృష్టించాడు.
మాస్టర్ బ్లాస్టర్ సచిన్ టెండూల్కర్ అంతర్జాతీయ క్రికెట్లో టీమిండియా ఓపెనర్గా మొత్తం 45 సెంచరీలు చేశాడు. ఇప్పుడు వార్నర్ ఆ రికార్డును బద్దలు కొట్టి అగ్రస్థానంలోకి చేరాడు.
డేవిడ్ వార్నర్ అంతర్జాతీయ క్రికెట్లో ఓపెనర్గా మొత్తం 46 సెంచరీలు సాధించాడు. ఇందులో 20 వన్డే, 25 టెస్టు, 1 టీ20 సెంచరీ ఉన్నాయి. తద్వారా 45 సెంచరీలతో అగ్రస్థానంలో ఉన్న సచిన్ని అధిగమించి, ఆ స్థానాన్ని తన సొంతం చేసుకున్నాడు వార్నర్ మామ.
అంతర్జాతీయ క్రికెట్లో ఓపెనర్గా డేవిడ్ వార్నర్ 46 సెంచరీలు, సచిన్ టెండూల్కర్ 45 సెంచరీలతో తొలి రెండు స్థానాల్లో ఉండగా.. క్రిస్ గేల్ 42 సెంచరీలతో మూడో స్థానంలో ఉన్నాడు.
అలాగే నాలుగో స్థానంలో సనత్ జయసూర్య (41), ఐదో స్థానంలో మాథ్యూ హెడేన్(40) ఉండగా... భారత జట్టు ప్రస్తుత కెప్టెన్ రోహిత్ శర్మ ఓపెనరగా 39 సెంచరీలు చేసి ఆరో స్థానంలో ఉన్నాడు.