IND vs AUS T20I Series: పేలవమైన ఫాంతో టీమిండియా నుంచి ఔట్.. ఏడాది తర్వాత తిరిగొచ్చిన స్వింగ్ మాస్టర్?
Bhuvneshwar Kumar Team India Come Back: స్వింగ్ మాస్టర్‌గా పేరుగాంచిన భువనేశ్వర్ కుమార్ ఇప్పుడు ఆస్ట్రేలియాతో జరిగే టీ20 సిరీస్ ద్వారా టీమిండియాలోకి పునరాగమనం చేస్తాడని చెబుతున్నారు. నిన్న ముగిసిన సయ్యద్ ముస్తాక్ అలీ ట్రోఫీ టోర్నీలో భువీ 16 వికెట్లు పడగొట్టి ఫామ్‌లోకి వచ్చాడు. అతనితో పాటు రియాన్ పరాగ్, సంజూ శాంసన్ కూడా ఎంపికైనట్లు సమాచారం. ప్రపంచకప్‌లో జట్టులోకి తీసుకోనప్పటికీ, రాబోయే సిరీస్‌లో శాంసన్ వికెట్ కీపర్‌గా వ్యవహరిస్తాడు. సీనియర్ ఆటగాళ్లు లేకపోవడంతో అతను నాలుగో నంబర్‌లో బ్యాటింగ్ చేయనున్నాడు.
ఐసీసీ వన్డే ప్రపంచ కప్ 2023 కీలక దశకు చేరుకుంది. కాగా, 2024లో జరగనున్న ఐసీసీ టీ20 ప్రపంచకప్ కోసం భారత క్రికెట్‌ జట్టు, భారత క్రికెట్‌ కంట్రోల్‌ బోర్డు (బీసీసీఐ) సెలక్షన్‌ కమిటీ ఇప్పటికే సిద్ధమవుతున్నాయి. ఇందులో భాగంగా తొలి భాగంలో భారత జట్టు ప్రపంచకప్ తర్వాత ఆస్ట్రేలియాతో టీ20 సిరీస్ ఆడనుంది.
ఆసీస్‌తో జరిగే మూడు మ్యాచ్‌ల టీ20 సిరీస్‌కు భారత జట్టును ఈ వారంలోనే ప్రకటించే అవకాశం ఉంది. ఈ సిరీస్‌లో కోహ్లీ, రోహిత్, జడేజా, బుమ్రా సహా కొంతమంది సీనియర్ ఆటగాళ్లకు విశ్రాంతి లభించే అవకాశం ఉంది. కాబట్టి ఏడాది పాటు జట్టుకు దూరమైన స్టార్ బౌలర్ మళ్లీ పునరాగమనం చేయడం ఖాయం.
స్వింగ్ మాస్టర్‌గా పేరొందిన భువనేశ్వర్ కుమార్ ఇప్పుడు ఆస్ట్రేలియాతో జరిగే టీ20 సిరీస్ ద్వారా టీమిండియాలోకి పునరాగమనం చేస్తాడని అంటున్నారు. నిన్న ముగిసిన సయ్యద్ ముస్తాక్ అలీ ట్రోఫీ టోర్నీలో భువీ 16 వికెట్లు పడగొట్టి ఫామ్‌లోకి వచ్చాడు.
"ఆస్ట్రేలియాతో జరిగే టీ20 సిరీస్‌లో సెలెక్టర్లు సీనియర్ బౌలర్లందరికీ విశ్రాంతినిచ్చే అవకాశం ఉంది. ఇటువంటి పరిస్థితిలో బౌలింగ్ విభాగానికి నాయకత్వం వహించడానికి భువనేశ్వర్ వంటి అనుభవజ్ఞుడైన సీమర్ అవసరం. అతన్ని రీకాల్ చేయవచ్చు," అని బీసీసీఐ అధికారులు TOIకి తెలిపినట్లు సమాచారం.
పేలవమైన ఫామ్ తర్వాత జట్టు నుంచి తొలగించబడిన తరువాత, భువనేశ్వర్ కుమార్ IPL 2023 ఆడాడు. అయితే, అక్కడ కూడా అతనికి అదృష్టం కలిసిరాలేదు. 14 మ్యాచ్‌ల్లో అతను 8.33 ఎకానమీ రేటుతో 16 వికెట్లు పడగొట్టాడు. ఇది IPLలో అతని చెత్త ప్రదర్శనగా నిలిచింది.
దీంతో అతడిని వెస్టిండీస్ టూర్‌కు పరిగణనలోకి తీసుకోలేదు. వన్డే క్రికెట్‌కు దూరంగా ఉన్నాడు. అయితే, ఇప్పుడు మళ్లీ ఫామ్‌లోకి వచ్చాడు. ముస్తాక్ అలీ ట్రోఫీలో అతను కేవలం 5.84 ఎకానమీ రేటుతో 16 వికెట్లు తీశాడు. బీసీసీఐ టీ20 ప్రపంచకప్ సన్నాహాలపై దృష్టి సారిస్తోంది. ఇది కూడా భువనేశ్వర్ కుమార్‌కు అగ్నిపరీక్షేలా మారింది.
అతనితో పాటు రియాన్ పరాగ్, సంజూ శాంసన్ కూడా ఎంపికైనట్లు సమాచారం. ప్రపంచకప్‌లో జట్టులోకి తీసుకోనప్పటికీ, రాబోయే సిరీస్‌లో శాంసన్ వికెట్ కీపర్‌గా వ్యవహరిస్తాడు. సీనియర్ ఆటగాళ్లు లేకపోవడంతో అతను నాలుగో నంబర్‌లో బ్యాటింగ్ చేయనున్నాడు.