World Cup Records: భారీ సెంచరీతో కింగ్ కోహ్లీ రికార్డును బద్దలు కొట్టిన ఇబ్రహీం జద్రాన్.. అదేంటంటే?
Ibrahim Zadran: ఈ మ్యాచ్‌లో ఓపెనర్‌గా బరిలోకి దిగిన ఇబ్రహీం జద్రాన్ 143 బంతుల్లో 3 సిక్సర్లు, 8 ఫోర్లతో అజేయంగా 129 పరుగులు చేశాడు. ఈ సెంచరీతో వన్డే ప్రపంచకప్‌లో ఆఫ్ఘనిస్థాన్ తరపున సెంచరీ చేసిన తొలి బ్యాట్స్‌మెన్‌గా నిలిచాడు. ఈ క్రమంలో కేవలం తన దేశం తరపునే కాదు.. క్రికెట్ ప్రపంచంలోనే కొన్ని అద్భుతమైన రికార్డులను తన పేరుతో లిఖించుకున్నాడు.
ముంబైలోని వాంఖడే స్టేడియంలో ఆస్ట్రేలియాతో జరిగిన మ్యాచ్‌లో అఫ్ఘానిస్థాన్ ఆటగాడు ఇబ్రహీం జద్రాన్ అద్భుత సెంచరీతో ఎన్నో రికార్డులు సృష్టించాడు. అవేంటో ఇప్పుడు చూద్దాం..
ఈ మ్యాచ్‌లో ఓపెనర్‌గా బరిలోకి దిగిన ఇబ్రహీం జద్రాన్ 143 బంతుల్లో 3 సిక్సర్లు, 8 ఫోర్లతో అజేయంగా 129 పరుగులు చేశాడు. ఈ సెంచరీతో వన్డే ప్రపంచకప్‌లో ఆఫ్ఘనిస్థాన్ తరపున సెంచరీ చేసిన తొలి బ్యాట్స్‌మెన్‌గా నిలిచాడు.
దీంతో పాటు వన్డే ప్రపంచకప్‌లో ఆస్ట్రేలియాపై సెంచరీ చేసిన అతి పిన్న వయస్కుడైన బ్యాట్స్‌మెన్‌గా రికార్డు సృష్టించాడు. ఇబ్రహీం జద్రాన్ 21 ఏళ్ల వయసులో ఈ ఘనత సాధించాడు.
అంతే కాకుండా వన్డే ప్రపంచకప్‌లో సెంచరీ చేసిన నాలుగో పిన్న వయస్కుడైన బ్యాట్స్‌మెన్‌గా కూడా ఇబ్రహీం జద్రాన్ నిలిచాడు. అది కూడా విరాట్ కోహ్లీని అధిగమించడం విశేషం.
2011 వన్డే ప్రపంచకప్‌లో బంగ్లాదేశ్‌పై 22 ఏళ్ల విరాట్ కోహ్లీ సెంచరీ చేశాడు. దీంతో ప్రపంచకప్‌లో సెంచరీ చేసిన 4వ పిన్న వయస్కుడిగా నిలిచాడు.
ఇప్పుడు ఈ జాబితాలో ఇబ్రహీం జద్రాన్ 21 ఏళ్లకే సెంచరీ సాధించి 4వ స్థానానికి చేరుకున్నాడు. ఈ జాబితాలో ఐర్లాండ్‌కు చెందిన పాల్ స్టిర్లింగ్ అగ్రస్థానంలో ఉన్నాడు.
2011 ప్రపంచకప్‌లో నెదర్లాండ్స్‌తో జరిగిన మ్యాచ్‌లో 20 ఏళ్ల పాల్ స్టిర్లింగ్ రికార్డు సృష్టించాడు. ఇబ్రహీం జద్రాన్ 21 సంవత్సరాల వయస్సులో తన మొదటి ప్రపంచ కప్ సెంచరీని సాధించడం ద్వారా ఈ జాబితాలో ఇప్పుడు నాల్గవ స్థానంలో ఉన్నాడు.
ఇబ్రహీం జద్రాన్ అజేయంగా 129 పరుగులు చేయడంతో ఆఫ్ఘనిస్థాన్ జట్టు ఆస్ట్రేలియాపై 5 వికెట్ల నష్టానికి 291 పరుగులు చేసింది. అయితే, మాక్స్‌వెల్ డబుల్ సెంచరీతో ఆఫ్ఘానిస్తాన్‌ను చిత్తుగా ఓడించి, సెమీస్ కలలను ఛిద్రం చేశాడు.