స్క్రీన్ మీద ఆలివ్ గ్రీన్ యూనిఫార్మ్ లో అభిమాన హీరో అలా కనిపిస్తుంటే గూస్బంప్స్ వచ్చేస్తాయి అభిమానగణానికి. అలాంటి అద్భుతక్షణాలను ఆల్రెడీ మన స్టార్ హీరోల సైన్యాలు ఆస్వాదించేశారు. నెక్స్ట్ ప్రభాస్ ఫ్యాన్స్ ఆ తరుణం కోసమే వెయిట్ చేస్తున్నారు.
ఇలాంటి సినిమాను కదా.. మేం మహేష్ నుంచి ఎక్స్ పెక్ట్ చేసిందంటూ ట్రెమండస్ హిట్ చేసేశారు ఘట్టమనేని ఫ్యాన్స్. సరిలేరు నీకెవ్వరు సినిమాలో ఆయన యూనిఫార్మ్ కి ఫిదా అయిపోయారు ఫ్యాన్స్. రీసెంట్గా ట్రిపుల్ ఆర్లో రామ్చరణ్ కూడా బ్రిటిష్ సైనికాధికారిగా మెప్పించారు.
మెగా కాంపౌండ్ నుంచి వరుణ్తేజ్ కూడా కెరీర్ బిగినింగ్లోనే సైనికాధికారిగా కనిపించారు. సరిహద్దుల్లో చెలరేగే సైన్యాల గురించి, ఆ కేరక్టర్లను డిజైన్ చేసిన కెప్టెన్ల గురించి మాట్లాడుకోవాల్సిన వచ్చినప్పుడు కంచె మూవీ కెప్టెన్ క్రిష్ జాగర్లమూడిని అంత తేలిగ్గా మర్చిపోలేం
చక్కటి ప్రేమ కథగా ఎలివేట్ అయిన సీతారామమ్లో దుల్కర్ సల్మాన్ సైనికుడిగానే కనిపించారు. దేశం కోసం ప్రాణాలర్పించిన రామ్ కేరక్టర్లో దుల్కర్ని గుండెల్లో పెట్టుకున్నారు జనాలు. ఇప్పటికీ సీతారామమ్ సినిమా తెలుగు ప్రేక్షకులకు ఓ ఎమోషన్.
ఇలాంటి సైనికుడి ప్రేమకథనే ప్రభాస్ ఫౌజీలోనూ విట్నెస్ చేయనున్నారు ప్రేక్షకులు. సందీప్ రెడ్డి వంగా సినిమాకన్నా ముందే ఫౌజీ తెరకెక్కుతుందని టాక్. ఆల్రెడీ వెర్సటైల్ కేరక్టర్లను చూజ్ చేసుకుంటున్న డార్లింగ్, కల్కి రిలీజ్ తర్వాత ఫౌజీ అయితే ఫ్యాన్స్ కి ఫీస్ట్ అవుతుందని భావించారట. సో... సాహో అనడానికి యంగ్ రెబల్ ఫ్యాన్స్ రెడీయేనా..