Heeramandi: సంజయ్ లీలా భన్సాలీ డ్రీమ్ ప్రాజెక్ట్.. టీజర్తో భారీ అంచనాలు..
ఇండియన్ సినిమా స్థాయిని పెంచిన దర్శకుల్లో సంజయ్ లీలా భన్సాలీ కూడా ఒకరు. ఆర్టిస్టిక్ టేకింగ్తో ప్రతీ సినిమాను ఓ క్లాసిక్లా తీర్చిదిద్దడం భన్సాలీ స్టైల్. అందుకే హిట్ ఫ్లాప్లతో సంబందం లేకుండా ఈ క్రియేటర్ సినిమాలకు ఓ సపరేట్ ఫ్యాన్ బేస్ ఉంది. ఆ పేరును కాపాడుకునేందుకు తన నెక్ట్స్ ప్రాజెక్ట్ను కూడా నెవ్వర్ బిఫోర్ రేంజ్లో ప్లాన్ చేస్తున్నారు భన్సాలీ.
భారీ బడ్జెట్ సినిమా అంటే మాస్ యాక్షన్ సినిమానే అన్న రూల్ను బ్రేక్ చేసిన డైరెక్టర్ భన్సాలీ. రొమాంటిక్ ఎంటర్టైనర్స్ను కూడా భారీ బడ్జెట్తో తెరకెక్కించి, అదే రేంజ్ వసూళ్లు సాధించవచ్చని ప్రూవ్ చేశారు ఈ స్టార్ మేకర్. మరీ ముఖ్యంగా హిస్టారికల్ లవ్ స్టోరీస్ను వెండితెర మీద చూపించిన వన్ అండ్ ఓన్లీ డైరెక్టర్గా పేరు తెచ్చుకున్నారు.
స్టార్ కాస్ట్తో సంబంధం లేకుండా భన్సాలీ సినిమా అంటే చాలు.. థియేటర్లకు వచ్చే ఆడియన్స్ కూడా ఉన్నారంటేనే ఆయన టేకింగ్ ఏ రేంజ్లో ఉంటుందో అర్ధం చేసుకోవచ్చు. బాలీవుడ్ టాప్ స్టార్స్ కూడా ఈ డైరెక్టర్తో ఒక్క సినిమా అయినా చేయాలని కోరుకుంటారు. అలాంటి భన్సాలీ డ్రీమ్ ప్రాజెక్ట్ అంటే ఏ రేంజ్లో ఉంటుంది.
రీసెంట్గా గంగూభాయ్కతియావాడి సినిమాతో ప్రేక్షకుల ముందుకు వచ్చిన భన్సాలీ... ఆ సినిమా సెట్స్ మీద ఉండగానే ఓ భారీ వెబ్ సిరీస్ను ఎనౌన్స్ చేశారు.
విమెన్ సెంట్రిక్ కథతో హీరమండి పేరుతో రూపొందుతున్న ఈ సిరీస్... తన కెరీర్లోనే బిగ్గెస్ట్ ప్రాజెక్ట్ అని ముందు నుంచే చెప్పారు. అందుకు తగ్గట్టుగా ఈ షో కోసం లక్షా అరవై వేల స్క్వేర్ ఫీట్ ఏరియాలో భారీ సెట్ను రెడీ చేశారు.
హిస్టారికల్ ఇన్సిడెంట్స్ ఆధారంగా తెరకెక్కుతున్న ఈ విమెన్ సెంట్రిక్ సిరీస్లో మనీషా కొయిరాల, అదితిరావ్ హైదరీ, సొనాక్షి సిన్హా, రిచ చద్దా కీలక పాత్రల్లో నటించారు. తాజాగా ఆడియన్స్ ముందుకు వచ్చిన టీజర్తోనే షో మీద అంచనాలను పీక్స్కు తీసుకెళ్లారు భన్సాలీ.