Prabhas – Salaar: డిసెంబర్ 22నే సలార్ విడుదల.. షారుఖ్ తో సమరం తప్పదా..?
అనుకున్నట్లుగానే సలార్ రిలీజ్ డేట్ కన్ఫర్మ్ అయిపోయింది. ఇప్పుడే అసలు ఆట మొదలైంది. డిస్ట్రిబ్యూటర్లు డివైడ్ అయిపోతున్నారు.. బయ్యర్లలో భయం మొదలైపోయింది.. ఓ వైపు డైనోసర్.. మరోవైపు రెండుసార్లు 1000 కోట్లు వసూలు చేసిన టైగర్.. ఎవర్ని ఎలా హ్యాండిల్ చేయాలో అర్థం కావట్లేదు. ఎపిక్ క్లాష్‌కు అంతా సిద్ధం. మరి సలార్ వర్సెస్ డంకీ వార్ ఎలా ఉండబోతుంది..? ఓ వైపు షారుక్ ఖాన్.. మరోవైపు ప్రభాస్..
అనుకున్నట్లుగానే సలార్ రిలీజ్ డేట్ కన్ఫర్మ్ అయిపోయింది. ఇప్పుడే అసలు ఆట మొదలైంది. డిస్ట్రిబ్యూటర్లు డివైడ్ అయిపోతున్నారు.. బయ్యర్లలో భయం మొదలైపోయింది.. ఓ వైపు డైనోసర్.. మరోవైపు రెండుసార్లు 1000 కోట్లు వసూలు చేసిన టైగర్.. ఎవర్ని ఎలా హ్యాండిల్ చేయాలో అర్థం కావట్లేదు. ఎపిక్ క్లాష్‌కు అంతా సిద్ధం.
మరి సలార్ వర్సెస్ డంకీ వార్ ఎలా ఉండబోతుంది..? ఓ వైపు షారుక్ ఖాన్.. మరోవైపు ప్రభాస్.. ఎవర్నీ తక్కువగా అంచనా వేయడానికి లేదు. ఇద్దరికీ 1000 కోట్ల మార్కెట్ ఉంది.. సరైన బ్లాక్‌బస్టర్ పడితే ఇండియన్ సినిమాలో ఒక్క రికార్డు కూడా మిగలకుండా కొట్టే సత్తా ఉన్న హీరోలు.
అలాంటి ఇద్దరు సూపర్ స్టార్స్ ఒకేరోజు పోటీకి వచ్చేస్తున్నారు.. చివరి నిమిషంలో కాంప్రమైజ్ అవుతారేమో అనుకుంటే.. నో కాంప్రమైజ్ అంటున్నారు. డిసెంబర్ 22నే రాబోతున్నట్లు సలార్ రిలీజ్ డేట్ కన్ఫర్మ్ చేసారు మేకర్స్
వారం రోజులుగా ఇదే డేట్ అని ప్రచారం జరుగుతున్నా.. అధికారిక సమాచారం కోసం వెయిట్ చేసారు ఫ్యాన్స్. సంక్రాంతికి అయితే చాలా సినిమాలున్నాయి.. అలాగే సమ్మర్ చాలా లేట్ అయిపోతుంది.. అందుకే రిస్క్ అయినా పర్లేదని డిసెంబర్‌లోనే వచ్చేస్తున్నారు సలార్ టీం.
ఉన్నట్లుండి రిలీజ్ డేట్ అనౌన్స్ చేస్తే మిగిలిన సినిమాలు అన్యాయమైపోతాయని తెలిసినా.. తనకు మాలిన ధర్మం పనికిరాదంటున్నారు సలార్ మేకర్స్. అందుకే తమ సినిమా డేట్ చూసుకున్నారు. కానీ ఈ దెబ్బతో నాని హాయ్ నాన్నతో పాటు వెంకీ సైంధవ్, నితిన్ ఎక్స్ ట్రా ఆర్డినర్ మ్యాన్ సినిమాలకు తంటాలు తప్పకపోవచ్చు.. ఇందులో రెండైనా వాయిదా వేసుకోవాల్సిందే.
డంకీతో పోటీ ప్రభాస్‌కు ఎంత నష్టమో.. సలార్‌తో సమరం షారుక్‌కు అంతే ప్రమాదం. ఎందుకంటే సౌత్‌లో డంకీ కలెక్షన్లు తెచ్చుకోలేదు.. అలాగే బాలీవుడ్‌లో డంకీ దెబ్బకు సలార్‌కు సరైన స్క్రీన్స్ దొరకవు.. ఓవర్సీస్ సరేసరి. అక్కడ ఆక్వామెన్ ఉండనే ఉంది. ఈ డేట్ సలార్‌కు కత్తిమీద సామే. మరి దీన్ని ఎలా ఓవర్ కమ్ చేస్తుందో చూడాలిక.