Krithi Shetty: మరో బంపర్ ఆఫర్ పట్టిన బేబమ్మ
ప్రస్తుతం అదృష్టానికి అడ్రస్ ప్రూఫ్‌లా మారిపోతున్నారు కృతి శెట్టి.. అయితే ఆ అదృష్టం ఏంటి ? ఎక్కడ ఉంది అని తెలుగుసుకోవాలని ఉందా ? మీరు అనుకోవచ్చు అదృష్టం ఉంటే హిట్స్ వచ్చేవిగా.. ఈ మధ్య అన్నీ ఫ్లాపులే వస్తున్నాయి ఇంకెక్కడి అదృష్టం అనుకుంటున్నారు కదా..? మరి అంతే కదా.. ఇన్ని ఫ్లాపులు వస్తున్నా.. వరసగా ఛాన్సులు క్యూ కడుతున్నాయి ఈ ముద్దు గుమ్మకు..
అదృష్టానికి అడ్రస్ ప్రూఫ్‌లా మారిపోతున్నారు కృతి శెట్టి. అబ్బా.. అంత అదృష్టం ఎక్కడుంది.. ఉంటే హిట్స్ వచ్చేవిగా.. ఈ మధ్య అన్నీ ఫ్లాపులే వస్తున్నాయి ఇంకెక్కడి అదృష్టం అనుకుంటున్నారు కదా..? మరి అంతే కదా.. ఇన్ని ఫ్లాపులు వస్తున్నా.. వరసగా ఛాన్సులు వస్తున్నాయంటే లక్కు కాక మరేంటి..? తాజాగా మరో ఇంట్రెస్టింగ్ ప్రాజెక్ట్ ఈమె చెంత చేరింది.
తెలుగు ఇండస్ట్రీకి ఉప్పెనలా దూసుకొచ్చిన బ్యూటీ కృతి శెట్టి. తక్కువ గ్యాప్‌లోనే శ్యామ్ సింగరాయ్, బంగార్రాజుతో హిట్స్ కొట్టేసింది. కానీ తర్వాతే ఆమె సినిమా తిరగబడింది. మాచర్ల నియోజకవర్గం, వారియర్, ఆ అమ్మాయి గురించి మీకు చెప్పాలి, కస్టడీ.. మొన్నటికి మొన్న మనమే ఫ్లాపులతో కృతి శెట్టి రేంజ్ ఒక్కసారిగా పడిపోయింది.
ఈమె చేతిలో ప్రస్తుతం తెలుగు సినిమాలేమీ లేవు. మొన్నామధ్య శర్వానంద్‌తో చేసిన మనమే కూడా దారుణంగా నిరాశ పరిచింది. అయితే తెలుగులో ఆఫర్స్ రాకపోయినా.. తమిళంలో మాత్రం అమ్మడి జోరు బాగానే ఉంది.
పైగా మలయాళంలో నటించిన మొదటి సినిమా అజయంతే రాండాం మోషనం బానే ఆడింది. తమిళంలోనూ కార్తి, జయం రవి, ప్రదీప్ రంగనాథన్ లాంటి హీరోలతో నటిస్తున్నారు కృతి. తెలుగులోనూ కృతికి ఓ ఆఫర్ వచ్చిందిప్పుడు.
విశ్వక్ సేన్ హీరోగా జాతి రత్నాలు ఫేమ్ అనుదీప్ కేవీ తెరకెక్కిస్తున్న సినిమాలో ఈ భామనే హీరోయిన్‌గా తీసుకుంటున్నట్లు ప్రచారం జరుగుతుంది. ఇదే జరిగితే కష్ట కాలంలో కృతికి బంపర్ ఆఫర్ దక్కినట్లే. మరోవైపు సోషల్ మీడియాలో గ్లామర్ షో కూడా అలాగే ఉంది. అదే ఈమెకు బాగా హెల్ప్ అవుతుంది కూడా.