Daniel Balaji Death: హిందూ- క్రిస్టియన్ కలయికతో.. ‘డేనియల్ బాలాజీ’ పేరు వెనక కారణమిదే
ప్రముఖ నటుడు డేనియల్ బాలాజీ హఠాన్మరణం సినిమా ఇండస్ట్రీలో తీవ్ర విషాదాన్ని నింపింది. తెలుగుతో పాటు తమిళ్, కన్నడ, మలయాళ సినిమాల్లో నటించి మెప్పించిన ఆయన 48 ఏళ్లకే గుండుపోటుతో మరణించడం అందరినీ తీవ్రంగా కలిచివేస్తోంది.
ప్రముఖ నటుడు డేనియల్ బాలాజీ హఠాన్మరణం సినిమా ఇండస్ట్రీలో తీవ్ర విషాదాన్ని నింపింది. తెలుగుతో పాటు తమిళ్, కన్నడ, మలయాళ సినిమాల్లో నటించి మెప్పించిన ఆయన 48 ఏళ్లకే గుండుపోటుతో మరణించడం అందరినీ తీవ్రంగా కలిచివేస్తోంది.
శుక్రవారం (మార్చి 29) గుండెపోటుకు గురైన డేనియల్ ను చెన్నైలోని ఓ ప్రైవేట్ ఆస్పత్రికి తరలించారు. అయితే అప్పటికే ఆయన తుదిశ్వాస విడిచనట్లు వైద్యులు ధ్రువీకరించారు.
డేనియల్ బాలాజీ హఠాన్మరణం పట్ల పలువురు సినీ ప్రముఖులు సంతాపం తెలియజేస్తున్నారు. ఆయన ఆత్మకు శాంతి కలగాలంటూ ప్రార్థిస్తున్నారు.
ఇదిలా ఉంట డేనియల్ బాలాజీ అసలు పేరు టీసీ బాలాజీ. తండ్రి తెలుగు వాడు కాగా, తల్లిది తమిళనాడు. బాలాజీ నటించిన మొదటి సీరియల్ 'చిత్తి'లో ఆయన క్యారెక్టర్ పేరు డానియెల్. ఈ పాత్రతోనే గుర్తింపు రావడంతో డేనియల్ బాలాజీగానే కంటిన్యూ అయిపోయారు.
డేనియల్ బాలాజీ పెళ్లి చేసుకోలేదు. సినిమాల ద్వారా వచ్చిన డబ్బులన్నింటినీ గుళ్ల నిర్మాణానికి ఖర్చు చేశారు. ఇక చనిపోయిన తర్వాత కూడా తన రెండు కళ్లను దానం చేశారు.