Double Ismart: ప్రమోషన్ జోరు పెంచిన పూరీ.. మరో అప్‌డేట్ వచ్చేసిన డబుల్ ఇస్మార్ట్
షూటింగ్ చివరిదశకు వచ్చింది.. దాంతో సినిమాపై అంచనాలు పెంచే పనిలో బిజీ అయిపోయారు పూరీ జగన్నాథ్. మెల్లగా ప్రమోషనల్ కంటెంట్ వదులుతున్నారు.. మొన్నటి వరకు ఏం చూపించలేదు కానీ ఈ మధ్యే టీజర్ విడుదల చేసారు.. మొన్నామధ్య మేకింగ్ కూడా ఇచ్చారు.. ఇప్పుడు మరో అప్‌డేట్ ఇచ్చారు పూరీ జగన్నాథ్. ఉన్నట్లుండి డబుల్ ఇస్మార్ట్ ప్రమోషన్ జోరు పెంచడంలో అంతరార్థమేంటి..? చూస్తున్నారుగా.. డబుల్ ఇస్మార్ట్ షూటింగ్‌లో పూరీ జగన్నాథ్ జోష్. లైగర్ ఫ్లాప్ తర్వాత ఆరేడు నెలల పాటు కొత్త సినిమా ఏదీ ప్రకటించని ఈయన..
షూటింగ్ చివరిదశకు వచ్చింది.. దాంతో సినిమాపై అంచనాలు పెంచే పనిలో బిజీ అయిపోయారు పూరీ జగన్నాథ్. మెల్లగా ప్రమోషనల్ కంటెంట్ వదులుతున్నారు.. మొన్నటి వరకు ఏం చూపించలేదు కానీ ఈ మధ్యే టీజర్ విడుదల చేసారు.. మొన్నామధ్య మేకింగ్ కూడా ఇచ్చారు.. ఇప్పుడు మరో అప్‌డేట్ ఇచ్చారు పూరీ జగన్నాథ్. ఉన్నట్లుండి డబుల్ ఇస్మార్ట్ ప్రమోషన్ జోరు పెంచడంలో అంతరార్థమేంటి..?
చూస్తున్నారుగా.. డబుల్ ఇస్మార్ట్ షూటింగ్‌లో పూరీ జగన్నాథ్ జోష్. లైగర్ ఫ్లాప్ తర్వాత ఆరేడు నెలల పాటు కొత్త సినిమా ఏదీ ప్రకటించని ఈయన.. చివరికి రామ్‌తోనే మరోసారి ఇస్మార్ట్ కథను తెరకెక్కిస్తున్నారు. ఈ సినిమాపై టీజర్ రిలీజ్ తర్వాత అంచనాలు ఒక్కసారిగా పెరిగిపోయాయి. అందుకే ప్రమోషన్స్‌లోనూ జోరు పెంచేసారు దర్శక నిర్మాతలు.
ఎందుకో తెలియదు కానీ డబుల్ ఇస్మార్ట్ విషయంలో ముందు నుంచి కాస్త సైలెంట్‌గానే ఉన్నారు పూరీ జగన్నాథ్. తన గత సినిమాల స్థాయిలో దీనికి హంగామా చేయలేదు. తన తీరుకు భిన్నంగా చాలా సైలెంట్‌గా షూటింగ్ పూర్తి చేసారు. టీజర్ రిలీజ్ తర్వాత వచ్చిన రెస్పాన్స్ చూసి.. ఇప్పుడు జోరు పెంచేసారు పూరీ.
డబుల్ ఇస్మార్ట్ షూటింగ్ ఎక్కువగా ముంబైలోనే జరుగుతుంది. పేరుకు తెలుగు సినిమా అయినా.. పూర్తిగా బాలీవుడ్ స్టైల్‌లోనే తెరకెక్కిస్తున్నారు పూరీ. సంజయ్ దత్ రాకతో హిందీలోనూ దీనిపై క్రేజ్ పెరిగింది. ఆగస్ట్ 15న ఈ చిత్రం విడుదల కానుంది. కావ్య థపర్ ఇందులో హీరోయిన్‌గా నటిస్తున్నారు.
తాజాగా డబుల్ ఇస్మార్ట్ మ్యూజిక్ జర్నీ మొదలు కానుంది. మణిశర్మ మరోసారి దీనికి మాస్ మ్యూజిక్ ఇస్తున్నారు. ఇస్మార్ట్ శంకర్ తర్వాత సరైన సక్సెస్ లేని మణిశర్మకు డబుల్ ఇస్మార్ట్ కీలకంగా మారింది. ఊరమాస్ పటాకా సాంగ్ రాబోతుందంటూ పోస్టర్ విడుదల చేసారు మేకర్స్. రిలీజ్ డేట్ దగ్గర పడుతుండటంతో.. ప్రమోషన్‌లో జోరు పెంచేస్తున్నారు దర్శక నిర్మాతలు.