Jaggery for Diabetes: ఎంతో మందిలో ఉండే డౌట్.. షుగర్ పేషెంట్స్ బెల్లం తినొచ్చా..
పంచదార కంటే బెల్లం తినడం మేలు. బెల్లంలో అనేక రకాల పోషకాలు లభిస్తాయి. కానీ షుగర్ పేషెంట్స్ మాత్రం బెల్లం తినొచ్చా? ఈ డౌట్ చాలా మందిలో ఉంటుంది. ఏదైనా తీపి పదార్థమే.. కాబట్టి జాగ్రత్తగా ఆలోచించాలి. వైద్యుల సలహా మేరకు తీసుకోవాలి..
షుగర్ వ్యాధి ఎంతలా పాకుతుందంటే.. డయాబెటీస్‌కి ఇండియా రాజధానిలా మారింది. భారత దేశంలో ఎక్కువగా మధుమేహం కేసులు పెరిగిపోతున్నాయి. ఆహారపు అలవాట్లలో తీవ్రంగా మార్పులు రావడం వలన ఈ కేసులు విపరీతంగా పెరుగుతున్నాయి.
డయాబెటీస్ వచ్చిన వారు ఆహారం విషయంలో చాలా జాగ్రత్తలు తీసుకోవాలి. లేదంటే ఆరోగ్యానికే ముప్పుగా మారుతుంది. కొన్ని రకాల ఆహారాలు అస్సలు తీసుకోకపోవడమే మంచిది. ఈ వ్యాధిని పూర్తిగా నయం చేసే మెడిసిన్ ఇంకా రాలేదు.
షుగర్ వ్యాధి వచ్చిన వారు పంచదార తినకూడదని కానీ బెల్లం తినొచ్చని చాలా మంది చెబుతూ ఉంటారు. కానీ డయాబెటీస్ పేషెంట్స్ బెల్లం తింటే.. షుగర్ లెవల్స్ పెరగవా అనే డౌట్ చాలా మందిలో ఉండే ఉంటుంది. పంచదార కంటే బెల్లం తినడం మంచిది.
కానీ షుగర్ పేషెంట్స్ మాత్రం ఆలోచించి బెల్లం తీసుకోవాలి. బెల్లం కూడా సహజంగా చక్కెర లెవల్స్ ఉంటాయి. బెల్లంలో కూడా సుక్రోజ్ ఉంటుంది. ఇది రక్తంలో కలిసినప్పుడు షుగర్ లెవల్స్ పెరగవచ్చు. కాబట్టి బెల్లాన్ని కూడా చాలా తక్కువ మోతాదులోనే తీసుకోవాలి.
బెల్లం తినొచ్చని తీసుకుంటే మాత్రం ప్రమాదంలో పడినట్టే. బెల్లంలో క్యాలరీలు ఎక్కువగా ఉంటాయి. తింటే బరువు పెరగవచ్చు. బరువు పెరిగితే షుగర్ లెవల్స్ కూడా పెరుగుతాయి. కాబట్టి బెల్లమైనా, పంచదార అయినా తీపి పదార్థాలకు దూరంగా ఉండటం మంచిది. (NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)