మోదీ ప్రభుత్వం గుడ్ న్యూస్.. నెలకు 300 యూనిట్ల వరకు ఉచిత విద్యుత్‌.. ఇలా దరఖాస్తు చేసుకోండి..
PM Surya Ghar: Muft Bijli Yojana: కాలుష్యాన్ని తగ్గించడానికి, సహజ వనరుల క్షీణతను నివారించడానికి కేంద్రంలోని నరేంద్ర మోదీ ప్రభుత్వం.. గ్రీన్ ఎనర్జీ వినియోగాన్ని ప్రోత్సహించడంపై దృష్టిసారించింది. దీని కింద.. ఇప్పటికే సోలార్ రూఫ్టాప్ పథకాన్ని దేశవ్యాప్తంగా ప్రభుత్వం అమలు చేస్తోంది. ఇందులో భాగంగా వినియోగదారుల ఇళ్ల పైకప్పులపై సోలార్ ప్లేట్లను అమర్చనున్నారు. దీనిద్వారా వారు సౌర విద్యుత్తును వినియోగించుకోవడంతోపాటు.. కరెంటు బిల్లులు భారం కూడా తగ్గుతుంది.
PM Surya Ghar: Muft Bijli Yojana: కాలుష్యాన్ని తగ్గించడానికి, సహజ వనరుల క్షీణతను నివారించడానికి కేంద్రంలోని నరేంద్ర మోదీ ప్రభుత్వం.. గ్రీన్ ఎనర్జీ వినియోగాన్ని ప్రోత్సహించడంపై దృష్టిసారించింది. దీని కింద.. ఇప్పటికే సోలార్ రూఫ్టాప్ పథకాన్ని దేశవ్యాప్తంగా ప్రభుత్వం అమలు చేస్తోంది. ఇందులో భాగంగా వినియోగదారుల ఇళ్ల పైకప్పులపై సోలార్ ప్లేట్లను అమర్చనున్నారు. దీనిద్వారా వారు సౌర విద్యుత్తును వినియోగించుకోవడంతోపాటు.. కరెంటు బిల్లులు భారం కూడా తగ్గుతుంది. అయితే, సౌర విద్యుత్‌ వినియోగాన్ని మరింత విస్తరించి సామాన్య పౌరులపై కరెంట్ ఛార్జీల భారం తగ్గించడం కోసం కేంద్ర ప్రభుత్వం.. ‘పీఎం సూర్య ఘర్‌: ముఫ్త్‌ బిజ్లీ యోజన’ పథకానికి శ్రీకారం చుట్టినట్లు ప్రధానమంత్రి నరేంద్ర మోదీ తెలిపారు. ఈ స్కీమ్‌తో దేశవ్యాప్తంగా కోటి ఇళ్లకు నెలకు 300 యూనిట్ల వరకు ఉచిత విద్యుత్‌ అందించాలని లక్ష్యంగా పెట్టుకున్నట్లు మోదీ వెల్లడించారు. ఇందుకోసం pmsuryaghar.gov.in వెబ్సైట్లో దరఖాస్తు చేసుకోవాలని సూచించారు. అయితే, సోలార్ రూఫ్టాప్ పథకం కోసం ఎలా దరఖాస్తు చేసుకోవాలి.. ఏ విధంగా దానిని పూర్తిచేయాలి అనే వివరాలను ఇప్పుడు తెలుసుకోండి.
వెబ్సైట్లో పొందుపర్చిన వివరాల ప్రకారం.. రూఫ్టాప్ సోలార్ కోసం ఇలా అప్లై చేసుకోవాలి..? ముందుగా ఈ ( pmsuryaghar.gov.in) పోర్టల్‌లో పేరును రిజిస్టర్‌ చేసుకోవాలి. ఇందుకోసం మీ రాష్ట్రం, విద్యుత్‌ సరఫరా చేసే కంపెనీ వివరాలను ఎంచుకోవాలి. మీ విద్యుత్‌ కనెక్షన్‌ కన్జ్యూమర్‌ నంబరు, మొబైల్‌ నంబర్, ఈ-మెయిల్‌ ఐడీని ఎంటర్ చేయాలి. పోర్టల్‌లో ఉన్న నియమ నిబంధలను అనుగుణంగా రిజిస్ట్రేషన్‌ ప్రక్రియను పూర్తి చేయాలి.
ఆ తర్వాత కన్జ్యూమర్‌ నంబర్, మొబైల్‌ నంబర్ తో వెబ్సైట్లో లాగిన్‌ అవ్వాలి.. అక్కడ రూఫ్టాప్ సోలార్ కోసం దరఖాస్తు చేసుకోవాలి. అనంతరం దరఖాస్తు పూర్తి చేసి డిస్కమ్‌ నుంచి అనుమతులు వచ్చేవరకు వేచి చూడాల్సి ఉంటుంది. అనుమతి వచ్చిన తర్వాత మీ డిస్కమ్‌లోని నమోదిత విక్రేతల నుంచి సోలార్ ప్లాంట్‌ను ఇన్‌స్టాల్‌ చేసుకోవాలి.
ఇన్‌స్టాలేషన్‌ పూర్తయిన తర్వాత, ఆ ప్లాంట్‌ వివరాలను పోర్టల్‌లో సమర్పించి నెట్‌ మీటర్‌ కోసం లబ్ధిదారులు దరఖాస్తు చేసుకోవాలి. నెట్‌ మీటర్‌ను ఇన్‌స్టాల్‌ చేసిన తర్వాత డిస్కమ్‌ అధికారులు తనిఖీలు చేస్తారు. అనంతరం పోర్టల్‌ నుంచి కమిషనింగ్‌ సర్టిఫికేట్‌ జారీ చేస్తారు.
ఈ రిపోర్ట్‌ పొందిన తర్వాత మీ బ్యాంకు ఖాతా వివరాలతో పాటు క్యాన్సిల్డ్‌ చెక్‌ను ఆన్లైన్ పోర్టల్‌లో సబ్మిట్‌ చేయాలి. 30 రోజుల్లోగా మీ ఖాతాలో సబ్సిడీ జమ అవుతుంది. మరిన్ని వివరాల కోసం సంబంధిత అధికారులను సంప్రదించాలి.