PMMVY: ప్రధాన్ మంత్రి మాతృ వందన యోజన కింద గర్భిణీ స్త్రీలు రూ. 5000.., పూర్తి వివరాలు ఇక్కడ తెలుసుకోండి
ప్రధాన మంత్రి మాతృ వందన యోజన గర్భిణీ స్త్రీల ఆరోగ్యాన్ని మెరుగుపరచడం. చికిత్స, మందుల ఖర్చుతో సహాయం చేయడం ఈ పథకం లక్ష్యంగా పెట్టుకుంది.
ప్రధాన్ మంత్రి మాతృ వందన యోజన ప్రభుత్వం గర్భిణీ స్త్రీలు, పాలిచ్చే తల్లుల కోసం అందిస్తున్న స్కీం ఇది. ఈ తల్లుల ఆరోగ్యాన్ని మెరుగుపరచడం, నగదు ప్రోత్సాహకాల ద్వారా పోషకాహార లోపం ప్రభావాన్ని తగ్గించడం ఈ పథకం లక్ష్యం.
ఈ పథకాన్ని మహిళా, శిశు అభివృద్ధి మంత్రిత్వ శాఖ అమలు చేస్తుంది . ఇది 19 సంవత్సరాలు లేదా అంతకంటే ఎక్కువ వయస్సు ఉన్న గర్భిణీ, పాలిచ్చే మహిళలకు మొదటి ప్రత్యక్ష ప్రసవానికి షరతులతో కూడిన నగదు బదిలీ పథకం.
ఇది ప్రసవం, శిశుసంరక్షణ సమయంలో వేతన-నష్టం కోసం మహిళలకు పాక్షిక వేతన పరిహారాన్ని అందిస్తుంది. సురక్షితమైన డెలివరీ, మంచి పోషకాహారం, ఆహార పద్ధతులను అందిస్తుంది.
ఈ పథకం కింద, ప్రతి సంవత్సరం ఈ మహిళల ఖాతాలో రూ.5000 జమ చేయబడతాయి. ఈ రూ. 5000 మూడు విడతల ద్వారా నేరుగా లబ్ధిదారుల బ్యాంకు ఖాతాకు DBT ద్వారా పంపబడుతుంది.
ప్రధాన మంత్రి మాతృ వందన యోజనలో మొదటి విడతలో రూ.1000 గర్భం నమోదు సమయంలో అందించబడుతుంది. మరోవైపు, గర్భం దాల్చిన ఆరు నెలలకు కనీసం ఒక యాంటెనాటల్ చెకప్ తర్వాత రెండవ విడత ఇవ్వబడుతుంది. ఇందులో రూ. 2000 ఇవ్వబడుతుంది. దీని తరువాత, బిడ్డ పుట్టిన తరువాత నమోదు చేసిన తర్వాత మూడవ విడతలో రూ. 2000 ఇవ్వబడుతుంది.
రోజువారీ వేతన స్కేల్పై పనిచేస్తున్న లేదా ఆర్థిక పరిస్థితి చాలా బలహీనంగా ఉన్న మహిళల కోసం ఈ పథకం ప్రారంభించబడింది. ఈ పథకం ప్రధాన లక్ష్యం గర్భధారణ సమయంలో ఖర్చుల తగ్గించడం.
ఏదైనా కేంద్ర లేదా రాష్ట్ర ప్రభుత్వ సంస్థతో సంబంధం ఉన్న మహిళలకు ప్రభుత్వం ఈ పథకం ప్రయోజనాన్ని అందించరు. ఈ పథకం యొక్క ప్రయోజనం జీవించి ఉన్న మొదటి బిడ్డకు మాత్రమే అందించబడుతుంది.
ఈ రూ. 5000 గర్భిణీ స్త్రీకి చికిత్స, మందుల ఖర్చులో సహాయం చేస్తుంది. అలాగే, ఈ ఆర్థిక సహాయం పొందడం వల్ల గర్భిణీ స్త్రీలకు విశ్రాంతి సమయం లభిస్తుంది.
Woman