ఆంధ్ర స్టైల్ జాలరోళ్ళ చేపల పులుసు.. ఇలా వండితే స్పైసీగా.. రుచిగా
ఈ ఆంధ్ర చేపల పులుసు అప్పటికప్పుడు తినడం కంటే, రెండు మూడు గంటల తర్వాత కానీ మరుసటి రోజు తింటే దాని రుచి మరింత పెరుగుతుంది. ఇంకా దీనిని మీరు వేడివేడి అన్నంతో ఈ పులుసు మంచిగా ఉంటుంది. మీరు కూడా ఈ రెసిపీని ఒకసారి ప్రయత్నించి మంచిగా తినండి.
కావాల్సిన పదార్థాలు: చేపలు: 1 కిలో, కారం: 3 టీస్పూన్లు , ఉప్పు: రుచికి సరిపడా, పసుపు: 1 టీస్పూన్, పెరుగు: 2-3 టీస్పూన్లు, ఉల్లిపాయలు: 1 పెద్దది, సన్నగా తరిగినది, పచ్చిమిర్చి: 4-5, కొత్తిమీర: గుప్పెడు, సన్నగా తరిగినది, కరివేపాకు: 1 రెమ్మ, నూనె: 5-6 చెంచాలు, అల్లం: చిన్న ముక్క, వెల్లుల్లి: 5-6 రెబ్బలు, ఎండు కొబ్బరి: చిన్న ముక్క , ధనియాలు: పావు టీస్పూన్, చెక్క: చిన్న ముక్క, లవంగాలు: 2-3, గసగసాలు: అర టీస్పూన్, నీరు: మసాలా పేస్ట్ చేయడానికి, చింతపండు: పెద్ద నిమ్మకాయ సైజు, రసం తీసుకోవడానికి, నీరు: 1 లీటరు తీసుకోవాలి.
ముందుగా 1 కిలో చేపలను తీసుకోవాలి. చేపలకు సహజంగా ఉండే వాసన పోగొట్టడానికి, వాటిని ఉప్పు, పసుపు, కొద్దిగా పెరుగు వేసి కనీసం ఐదు నుండి ఆరు సార్లు శుభ్రంగా కడగాలి. పెరుగు వేసి రుద్ది కడగడం వల్ల వాసన పూర్తిగా పోతుంది. శుభ్రం చేసిన చేప ముక్కలను ఒక గిన్నెలోకి తీసుకుని, మూడు టీస్పూన్ల కారం, రుచికి సరిపడా ఉప్పు, ఒక టీస్పూన్ పసుపు వేసి ముక్కలకు బాగా పట్టించాలి. వీటిని కనీసం పదిహేను నిమిషాలు పక్కన ఉంచాలి.
నూనె వేడి అయ్యాక, సన్నగా తరిగిన పెద్ద ఉల్లిపాయ, చీల్చిన పచ్చిమిర్చి, కరివేపాకు వేసి ఉల్లిపాయలు బంగారు రంగు వచ్చేవరకు వేయించాలి. ఉల్లిపాయలు వేగిన తర్వాత, మారినేట్ చేసి ఉంచుకున్న చేప ముక్కలను మెల్లగా పాన్‌లో వేయాలి. స్టవ్‌ను చిన్న మంటపై పెట్టి, ఐదు నిమిషాలు ఉడికించాలి. ఇలా చేయడం వల్ల చేపల్లోని నీచు వాసన పూర్తిగా తొలగిపోతుంది.
చేపలను గరిటెతో కలపకుండా, పాన్‌ను జాగ్రత్తగా పట్టుకుని అటు ఇటు కదుపుతూ కలపాలి. లేదంటే చేప ముక్కలు చితికిపోయే అవకాశం ఉంది. చేప ముక్కల్లోని నీరు ఇంకిపోయి, నూనె పైకి తేలిన తర్వాత, ముందుగా తయారుచేసుకున్న మసాలా పేస్ట్‌ను వేయాలి. మసాలా చేప ముక్కలకు బాగా పట్టేలా మళ్లీ పాన్‌ను కదుపుతూ కలపాలి. మసాలా బాగా వేగి నూనె పైకి తేలే వరకు ఉడికించాలి.
మసాలాలు వేగిన తర్వాత, చింతపండు రసాన్ని చేపల్లో పోయాలి. ఉప్పు, పులుపు, కారం సరిపోయిందో లేదో చూసుకుని అవసరమైతే సర్దుబాటు చేసుకోవచ్చు. ఆ తరువాత, ఒక లీటరు నీటిని కలిపి, మూత పెట్టి స్టవ్‌ను మీడియం ఫ్లేమ్‌లో పదిహేను నిమిషాలు పులుసు చిక్కబడే వరకు ఉడికించాలి. పులుసు చిక్కబడిన తర్వాత, స్టవ్‌ను ఆపివేయాలి. చివరిగా సన్నగా తరిగిన కొత్తిమీరతో గార్నిష్ చేసుకోవాలి.