Mushroom In Winter : చలికాలంలో పుట్టగొడుగులు తింటే అద్భుతమైన ప్రయోజనాలు.. ఈ 5 వ్యాధులకు చెక్..!
Winter Mushroom Benefits : పుట్టగొడుగులు ఆరోగ్య ప్ర‌యోజ‌నాల పుట్ట అని పిలుస్తారు... పుట్టగొడుగుల్లో స‌హ‌జ పోషకాలు ఎక్కువ‌గా ఉంటాయి. శాకాహారమైన ఈ పుట్టగొడుగుల్లో పోషకాలు మెండుగా ఉంటాయి. మాంసంహారం తిన‌ని వాళ్లు పుట్టగొడుగులను తప్పనిసరిగా తమ ఆహారంలో చేర్చుకోవడం చాలా మంచిది. శరీరానికి కావాల్సిన మాంస‌కృత్తులు పుట్టగొడుగుల ద్వారా శరీరానికి ల‌భిస్తాయి. అంతేకాదు పుట్టగొడుగుల్లో పలు రకాల దీర్ఘకాలిక వ్యాధులు నయం చేసే సత్తా కూడా దాగి ఉంటుంది.
చలికాలంలో పుట్టగొడుగులను తినడం వల్ల అనేక వ్యాధులు నయమవుతాయి. మష్రూమ్‌లో ప్రోటీన్లు, విటమిన్లు, మినరల్స్ మరియు అనేక యాంటీ ఆక్సిడెంట్ లక్షణాలు ఉన్నాయి. దీన్ని తీసుకోవడం ద్వారా రక్తపోటు అదుపులో ఉంటుంది.
చలికాలంలో యాంటీ ఆక్సిడెంట్లు పుష్కలంగా ఉండే పుట్టగొడుగులను తినడం వల్ల రోగనిరోధక శక్తి పెరుగుతుంది. విటమిన్ డి లోపం ఉన్నవారు ఆహారంలో పుట్టగొడుగులను చేర్చుకోవాలి. పుట్టగొడుగులు ఎముకల ఆరోగ్యానికి మేలు చేస్తాయి. ఇవి సెల్యులార్ డ్యామేజ్‌ను నివారిస్తాయి. క్యాన్సర్ ప్రమాదాన్ని తగ్గిస్తాయి.
ఫైబర్‌, పొటాషియం, విటమిన్లు పుష్కలంగా ఉండే పుట్టగొడుగులను రెగ్యులర్ గా తీసుకోవడం వల్ల గుండె ఆరోగ్యానికి కూడా మంచిది. ఇవి మెదడు ఆరోగ్యానికి కూడా మేలు చేస్తాయి. తక్కువ కేలరీల ఉంటాయి, ఇది బరువు తగ్గడానికి అవసరమైన పోషకాలను కలిగి ఉంటుంది.
పుట్టగొడుగులలో ప్రోటీన్, అమినో యాసిడ్స్ పుష్కలంగా ఉంటాయి. పుట్టగొడుగులలో విటమిన్ డి, బి2, బి3 ఉంటాయి. విటమిన్ డి లోపానికి ప్రతిరోజూ పుట్టగొడుగులను తినడం చాలా ఉపయోగకరంగా ఉంటుంది.
పుట్టగొడుగులను తినడం వల్ల మంచి గట్ బాక్టీరియా సంఖ్య పెరుగుతుంది. గట్ ఆరోగ్యాన్ని కాపాడుతుంది. అమైనో ఆమ్లాలు, కొన్ని యాంటీ ఆక్సిడెంట్లు పుష్కలంగా ఉండే పుట్టగొడుగులను తినడం వల్ల కొన్ని క్యాన్సర్ల ప్రమాదాన్ని తగ్గించవచ్చు.