పుచ్చకాయలో చిటికెడు ఉప్పు వేసి తింటే అమృతం..! నిపుణులు ఏం చెబుతున్నారంటే..
వేసవిలో లభించే చల్లని పండు పుచ్చకాయ. సమ్మర్‌లో పుచ్చకాయ తినడానికి అందరూ ఇష్టపడతారు. దీన్ని తినడం వల్ల శరీరంలో నీటి లోపం తొలగిపోతుంది. ఇందులో ఉండే మినరల్స్, విటమిన్లు ఆరోగ్యానికి ఎంతో మేలు చేస్తాయి. చాలా మంది పుచ్చకాయను జ్యూస్‌ చేసుకొని తాగుతుంటారు. మరికొందరు పుచ్చకాయపై ఉప్పు చల్లుకుని తింటుంటారు. ఇలా చేస్తే పుచ్చకాయలో తియ్యదనం పెరుగుతుందని భావిస్తారు. పుచ్చకాయపై ఉప్పు చల్లి తింటే ఆరోగ్యానికి మేలు చేస్తుందా..? హాని కలిగిస్తుందా..? నిపుణులు ఏం చెబుతున్నారో ఇక్కడ తెలుసుకుందాం..
పుచ్చకాయ ఒక జ్యుసి పండు. ఉప్పు కలిపి తింటే పండు రుచి పెరుగుతుంది అందుకే చాలా మంది పుచ్చకాయ మీద కాస్త ఉప్పు చల్లి తింటారు. పుచ్చకాయ పండును ఉప్పుతో కలిపి తింటే పండు మరింత తియ్యగా మారుతుంది. అంతే కాదు పండు తిన్నాక నిండుగా ఉన్న తృప్తి కలుగుతుంది.
పుచ్చకాయ జ్యుసి ఫ్రూట్ కాబట్టి, పుచ్చకాయలో ఉప్పు కలిపితే దానిలో నీటిశాతం పెరుగుతుంది. పుచ్చకాయ తక్కువ కేలరీల పండు. ఇందులో విటమిన్ ఎ, సి, యాంటీ ఆక్సిడెంట్లు పుష్కలంగా ఉంటాయి. పుచ్చకాయలో లైకోపీన్, ఇతర పోషకాలు ఉంటాయి.
పుచ్చకాయ: పుచ్చకాయలో నీరు, ఖనిజాలు అధికంగా ఉంటాయి. ఈ జ్యుసి పండు చాలాసేపు ప్రేగులలో ఉండిపోతుంది. ఇది జీర్ణక్రియకు ఆటంకం కలిగిస్తుంది. ఇందులో షుగర్ మన్నిటాల్ ఉండటం వల్ల వాత సమస్య ఇబ్బంది పెడుతుంది.
పుచ్చకాయలో ఉప్పు కలిపి తినడం వల్ల శరీరంలో సోడియం పరిమాణం పెరుగుతుంది. అయితే, ఇది అనేక సమస్యలను కలిగిస్తుంది. దీని కారణంగా రక్తపోటు పెరగవచ్చు. ఉప్పు ఎక్కువగా ఉండటం వల్ల బీపీ రోగుల సమస్యలు కూడా పెరుగుతాయి. దీని కారణంగా.. పోషకాహార సమస్యలు కూడా తలెత్తుతాయి.
అందువల్ల ఉప్పు సమతుల్యతను కాపాడుకోవడం ద్వారా పుచ్చకాయ తినడం వల్ల ఎటువంటి సమస్య ఉండదు. అయితే, ఎక్కువ ఉప్పు తీసుకోవడం మానుకోవాలి.(ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)