అస్సాం సీఎం కి గిఫ్ట్ గా వాట్సాప్ లో అభ్యంతరకర పోస్ట్… మహిళ అరెస్ట్.. బెయిలుపై విడుదల

Cm Himanta Biswa Sarma

అస్సాం లోని నల్ బరి జిల్లాలో ఓ గ్రామానికి చెందిన మహిళను పోలీసులు అరెస్టు చేశారు. సీఎం హిమంత బిస్వ శర్మకు ఆమె బీఫ్ ముక్కను గిఫ్ట్ గా ఇస్తున్నానంటూ వాట్సాప్ లో ఓ పోస్టు పెట్టింది. అయితే ఇది అభ్యంతరకరమంటూ ఆమెను వారు అరెస్టు చేసి బెయిలుపై విడుదల చేశారు. అస్సాం ప్రభుత్వం రాష్ట్రంలో పశువుల అక్రమ రవాణాను, బీఫ్ అమ్మకాన్ని హేతు బద్ధం చేస్తూ.. ‘అస్సాం క్యాటిల్ రిజర్వేషన్ యాక్ట్-2021’ పేరిట ఓ చట్టం తెచ్చింది. రాష్టంలో పశువుల సంరక్షణకు ఉద్దేశించిన చట్టమిది. బీఫ్ తినని మతాలవారి ప్రాంతాల్లో దీన్ని అమ్మరాదని, అలాగే ఆలయాలకు 5 కి.మీ. పరిధిలోనూ దీన్ని విక్రయించరాదన్న నిబంధనను కూడా ఇందులో చేర్చారు ఈ కేసులో అరెస్టయిన మహిళ బీజేపీకి చెందిన ఓ మాజీ నేత కూతురని తెలిసింది. కాగా ప్రభుత్వం ఈ చట్టం తెచ్చిన తరువాత ఒక వ్యక్తిని అరెస్టు చేసిన మొదటి కేసు ఇది

కాగా రెండు వర్గాల మధ్య మత పరమైన వైషమ్యాలను రేకెత్తించడానికి ఆ మహిళ యత్నించిందని అంటూ విశ్వ హిందూ పరిషద్ నల్ బరి శాఖ పోలీసు కేసు పెట్టింది. ఈ విధమైన అభ్యంతరకర పోస్టును పెట్టడానికి ఆమె కుటుంబ సభ్యులలు ఎలా అనుమతించారని…  అది కూడా ముఖ్యమంత్రిని ఉద్దేశించి ఆమె దీన్ని అప్ లోడ్ చేయడమేమిటని వారు ప్రశ్నిస్తున్నారు. ఇద్దరు బిడ్డల పాలసీని తెచ్చిన అస్సాం ప్రభుత్వం ఈ చట్టాన్ని కూడా ఇదే సమయంలో అమలులోకి తెచ్చింది. ఇలా ఉండగా కుటుంబ పరిమితిపై ప్రభుత్వం పెద్ద ఎత్తున ప్రచారోద్యమాన్ని చేపట్టాలని యోచిస్తోంది.

మరిన్ని ఇక్కడ చూడండి: Fish and Milk: చేపలు..పాలు కలిపి తినడం వలన బొల్లి వ్యాధి వస్తుందా? నిపుణులు ఏమంటున్నారు?

Astronaut: మీకు తెలుసా.. వ్యోమ‌గాముల విషయంలో అంత‌రిక్షంలో అలాజరుగుతుందట..