కొడుకు సోదరుడు, ఇప్పుడు భార్య..100 కేసులు, కోట్లల్లో ఆస్తులు.. ఇదో ‘మోస్ట్ వాంటెడ్’ కుటుంబం!

Atiq Ahmed Famly

మొదట కొడుకు, ఆ తర్వాత సోదరుడు, ఇప్పుడు భార్య కూడా ఇలా అతీక్ అహ్మద్ కుటుంబం మొత్తం చేస్తున్న చీకటి కోణాలు ఒక్కొక్కటిగా వెలుగులోకి వస్తున్నాయి. గతంలో ఉమేష్ పాల్ హత్య కేసులో కుమారుడు పరారీలో ఉండగా, ఇప్పుడు భార్య షైస్తా పర్వీన్ కూడా పోలీసుల దృష్టికి వచ్చింది.

ఉత్తరప్రదేశ్ లో ఇటీవల హత్యకు గురైన ఉమేష్ పాల్ కేసులో ప్రధాన నిందితుడు అతిక్ అహ్మద్ అతని కుటుంబ సభ్యులు వార్తల్లో నిలిచారు. అతిక్‌పై 100 కేసులు ఉండగా, అతని సోదరుడు అష్రఫ్‌పై 52 కేసులు, భార్య షైస్తా ప్రవీణ్‌పై మూడు, కుమారులు అలీ, ఉమర్ అహ్మద్‌లపై వరుసగా నాలుగు, ఒక కేసులు ఉన్నాయి. ఉమేష్ పాల్ హత్య కేసుకు సంబంధించి అతిక్ అహ్మద్ కుమారుడు అసద్‌కు యూపీ పోలీసులు రూ.2.5 లక్షల రివార్డును కూడా ప్రకటించారు. ఇప్పుడు ఆయన భార్యపై కూడా 25 వేల రూపాయల రివార్డు అనౌన్స్ చేశారు యూపీ పోలీసులు.

ఉత్తరప్రదేశ్‌లో రాజకీయ రక్షణ పొంది ఏళ్ల తరబడి మాఫియా పాలన సాగించిన డాన్ అతిక్ అహ్మద్ కుటుంబం ఇప్పుడు పూర్తిగా నేరాల చుట్టుముట్టినట్లు కనిపిస్తోంది. హత్యలు, దోపిడీలు, కిడ్నాప్‌లు, దోపిడీలు, భూవివాదాలు వంటి డజన్ల కొద్దీ కేసుల్లో గుజరాత్‌లోని సబర్మతి జైలులో శిక్ష అనుభవిస్తున్న అతిక్ అహ్మద్ అతని కుటుంబ సభ్యుల నేరాల జాబితా రోజురోజుకు పెరుగుతోంది.

ఉమేష్ పాల్ హత్య కేసులో కాల్పులు జరుపుతున్న సమయంలో అతిక్ మూడో కుమారుడు అసద్ చిత్రాలు తెరపైకి వచ్చాయి. ఇప్పుడు ఈ హత్య కేసుతో అతిక్ భార్య షైస్తా సంబంధాలు ఉన్నాయని పోలీసులు నిర్ధారించారు. ఉమేష్ పాల్ హత్యకు ఐదు రోజుల ముందు, షైస్తా అతిక్ ముఠా సభ్యులలో కొందరిని కలుసుకున్నారు. వారిలో ఒకరు షార్ప్ షూటర్ సాబీర్, హత్యలో ప్రధాన నిందితులలో ఒకరు. షైస్తా సబీర్ ఇతర ముఠా సభ్యులతో మాట్లాడుతున్న వీడియో బయటపడింది. అలాగే ఉమేష్ పాల్ హత్యకు సంబంధించిన మొత్తం కుట్రను షైస్తా మాత్రమే చేసింది. అతిక్ అహ్మద్ భార్య ఈ హత్యకేసుకు సూత్రధారి? ఈ వీడియో బయటకు రావడంతో పోలీసులు శైస్తాపై 25 వేల రివార్డు ప్రకటించారు.

అతిక్ అహ్మద్ 1996లో షైస్తా పర్వీన్‌ను వివాహం చేసుకున్నాడు. ఇద్దరికీ ఐదుగురు కొడుకులు. భార్యాభర్తలే కాకుండా వారి ఐదుగురు కుమారులు కూడా నేరాల్లో పాలుపంచుకున్నారు. పెద్ద కుమారుడు ఉమర్‌, రెండో కుమారుడు మహ్మద్‌ అలీ కటకటాలపాలయ్యారు. గతేడాది ఉమర్‌పై 2 లక్షల రివార్డు ప్రకటించారు. దోపిడీ కేసులో అతడు పరారీలో ఉన్నాడు. గతేడాది ఆగస్టులో సీబీఐ ఎదుట లొంగిపోయాడు.

రెండో కుమారుడు మహ్మద్ అలీపై కూడా పలు కేసులు నమోదయ్యాయి. హత్యాయత్నం కేసులో జైలులో ఉన్నాడు. ఈ కేసులో కోర్టు నుంచి బెయిల్ పొందినా, మరో కేసు కారణంగా జైలు నుంచి బయటకు రాలేకపోయాడు. అతిక్ అహ్మద్ మూడో కుమారుడు అసద్ ఉమేష్ పాల్ హత్య కేసులో ప్రధాన నిందితుడు. ఉమేష్ పాల్‌పై కాల్పులు జరిపిన అదే కారులో అతను ప్రయాణిస్తున్నాడు. ఈ సంఘటన జరిగినప్పటి నుండి అతను పరారీలో ఉన్నాడు. దీంతో అతనిపై రూ.2.5 లక్షల రివార్డు కూడా ప్రకటించారు పోలీసులు. ఈ ఊచకోత తర్వాత అతిక్ అహ్మద్ ఇద్దరు చిన్న కుమారుల జాడ లేదు. దీంతో మొత్తం కుటుంబంపై కేసులు నమోదు చేశారు పోలీసులు.

ఉత్తరప్రదేశ్ ముఖ్యమంత్రి యోగి ఆదిత్యనాథ్ రాష్ట్రంలో మాఫియాల నిర్మూలన చేస్తామని ప్రకటించారు. దీంతో భూమాఫియా, నేరగాళ్లపై యూపీ ప్రభుత్వం ఎప్పటికప్పుడు కఠిన చర్యలు తీసుకుంటుండడం వల్లే ఏళ్ల తరబడి తప్పించుకుంటున్న అతీఖ్ అహ్మద్ కుటుంబీకుల నేరాలు వెలుగులోకి వస్తున్నాయి. అతీక్ అహ్మద్ సొంత కుటుంబంతో పాటు ఆయన సోదరుడు ఉమేష్ పాల్ హత్య కేసులో అష్రఫ్ కూడా ఉన్నాడు. అష్రఫ్ కూడా ఇప్పటికే జైలులో ఉన్నాడు. ఉమేష్ పాల్ హత్యకు జైలు నుంచే కుట్ర పన్నాడని ఆరోపణలు ఎదుర్కొంటున్నాడు.

అష్రఫ్ బరేలీ జైలులో ఉన్నాడు. అతను జైలును నేరాలకు అడ్డాగా మార్చాడు. అతను జైలు సిబ్బందికి డబ్బులు ఆశజూపి ప్రజలను కలుసుకునేవాడు. నేరాలకు ప్రణాళికను రూపొందించాడు. ఈ కేసులో బరేలీ జైలు పోలీసు అధికారులు.. కొంతమంది పోలీసులతో సహా అతిక్ గ్యాంగ్‌కు చెందిన ఇద్దరు వ్యక్తులపై గత వారం కేసు నమోదైంది. అష్రాఫ్‌ను అక్రమంగా కలిసేవాడు. అంటే ఇప్పుడు అతిక్ అహ్మద్ కుటుంబం మొత్తం మోస్ట్ వాంటెడ్ లిస్ట్‌లో చేరింది. ఒకప్పుడు తన శక్తి, కుట్రతో ఉత్తరప్రదేశ్‌లో తన ఆధిపత్యాన్ని ఏర్పరచుకున్న అతిక్ అహ్మద్ నేరాల జాబితా ఇప్పుడు ఒక్కొక్కటిగా బయటపడుతున్నాయి.

మరిన్ని జాతీయ వార్తల కోసం..