School Holidays: విద్యార్థులకు గుడ్‌న్యూస్‌.. నవంబర్‌లో వరుస సెలవులు..!

దేశవ్యాప్తంగా పండగల సీజన్‌ కావడంలో చాలా రోజుల పాటు పాఠశాలలు, కళాశాలలకు సెలవులు వచ్చాయి. అక్టోబర్ 31న దీపావళి వేడుకల తర్వాత, విద్యార్థులు నవంబర్ ప్రారంభంలో అనేక ముఖ్యమైన మతపరమైన సెలవులలో ఎంజాయ్‌ చేయనున్నారు. అనేక రాష్ట్రాల్లో గోవర్ధన్ పూజ, భాయ్ దూజ్ సందర్భంగా పాఠశాలలు మూసి ఉన్నాయి. ఈ నెలలోనే మరిన్ని ముఖ్యమైన కార్యక్రమాల వల్ల సెలవులు రానున్నాయి.

నవంబర్‌ 14న జవహర్లాల్ నెహ్రూ జన్మదినం సందర్భంగా బాలల దినోత్సవం జరుపుకొంటారు. ఈ సందర్భంగా పాఠశాలల్లో వేడుకలు జరపనున్నారు. అయితే ఆ రోజు ఆఫ్‌డే వరకు పాఠశాలలో వేడుకలు నిర్వహించి మిగతా ఆఫ్‌డే సెలవు ఇవ్వనున్నాయి పాఠశాల యాజమాన్యాలు.

ఇక నవంబర్‌ 15న గురునానక్ జయంతి. గురునానక్ దేవ్ జీ జన్మదినోత్సవం సందర్భంగా, సిక్కు క్యాలెండర్‌లో అత్యంత ముఖ్యమైన రోజులలో ఒకటి. పెద్ద ఎత్తున ఊరేగింపులు, సమాజ సేవలతో జరుపుకుంటారు. ఈ రోజు అధికారికంగా పాఠశాలలకు సెలవు. అనేక రాష్ట్రాల్లో పాఠశాలలు సెలవు ప్రకటించాయి.

ఇక 16వ తేదీ కూడా శనివారం దీంతో స్కూళ్లకు హాఫ్ డే. నవంబర్ 18 ఆదివారం దేశవ్యాప్తంగా ఉన్న అన్ని స్కూళ్లకు సెలవు వస్తుంది. అంతేకాదు ఆరోజు కనకదాస జయంతి కూడా జరుపుకుంటున్నారు. ముఖ్యంగా కొన్ని ప్రాంతాల్లో ఈ రోజు సెలవు ప్రకటిస్తారు.

ఇక నవంబర్‌ 24న కార్తీక పూర్ణిమ. ఇది ఆదివారం వస్తుంది. ఎలాగో అన్ని విద్యాసంస్థలు మూసే ఉంటాయి. కార్తీక పూర్ణిమ, కార్తీక మాసంలోని పౌర్ణమి రోజున జరుపుకుంటారు. ఇది హిందూ, సిక్కు వర్గాలకు ప్రాముఖ్యతను కలిగి ఉంది. వేడుకలలో తరచుగా నదులు, దేవాలయాలు, గురుద్వారాల వద్ద పవిత్ర స్నానాలు, నైవేద్యాలు ఉంటాయి.

అలాగే 14న (గురువారం) బాలల దినోత్సవం, 15న (శుక్రవారం) గురునానక్‌ జయంతి, 16న శనివారం ఆఫ్‌డే.. కొన్ని పాఠశాలలు పూర్తిగా సెలవుల ప్రకటిస్తుంటాయి. 17న ఆదివారం ఇలా కలుపుకొంటే మొత్తం వరుసగా నాలుగు రోజుల పాటు విద్యార్థులకు సెలవులు రానున్నాయి.

ఇది కూడా చదవండి: Donkey- Camel Milk: గాడిద – ఒంటె పాలలో ఏది ఖరీదైనది.. వీటిలో ఔషధ గుణాలు ఏంటి?

మరిన్ని బిజినెస్ వార్తల కోసం ఇక్కడ క్లిక్ చేయండి