బెడ్, సోఫా, ట్యాప్, టబ్.. డిప్యూటీ సీఎం బంగ్లాలో కనిపించకుండాపోయిన వస్తువులు.. ఇది ఎవరి పని..?

Rjd Leader Tejaswi Yadav

పాట్నాలోని 5 దేశ్ రత్న మార్గ్‌లో ఉన్న ప్రభుత్వ బంగ్లాను బీహార్ మాజీ డిప్యూటీ సీఎం తేజస్వి యాదవ్ ఖాళీ చేశారు. ఇప్పుడు బీహార్ ఉప ముఖ్యమంత్రి సామ్రాట్ చౌదరి ఈ బంగ్లాకు మారనున్నారు. విజయదశమి రోజున సామ్రాట్ చౌదరి ఈ బంగ్లాకు షిఫ్ట్ కానున్నారు. ఇందుకోసం బంగ్లాకు రంగులు వేసి డిప్యూటీ సీఎం రాకకోసం బంగ్లాను సిద్ధం చేస్తున్నారు అధికారులు.

అయితే తేజస్వి యాదవ్ బంగ్లా ఖాళీ చేయడంపై వివాదం మొదలైంది. ఈ బంగ్లాలో చాలా వస్తువులు మాయమయ్యాయని బీజేపీ నేతలు ఆరోపిస్తున్నారు. ఉపముఖ్యమంత్రి బంగ్లాలో బెడ్, సోఫా, బాత్రూమ్ టబ్, బేసిన్ ట్యాప్ వంటి అనేక వస్తువులు కనిపించడం లేదని బీజేపీ నేత డానిష్ ఇక్బాల్ ఆరోపించారు. బిల్డింగ్ నిర్మాణానికి ఇచ్చిన సామాగ్రి జాబితాను తెస్తామని బీజేపీ తెలిపింది.

బీజేపీ ఆరోపణలపై ఆర్జేడీ స్పందిస్తూ బంగ్లాలో వస్తువులను దొంగిలించారనే ఆరోపణలన్నింటినీ తోసిపుచ్చింది. ఇది బీజేపీ నేతల నీచ రాజకీయంగా అభివర్ణించింది. RJD ప్రతిస్పందిస్తూ, తేజస్వి యాదవ్‌ను ఖాళీ చేసిన తర్వాత ఈ బంగ్లాలో AC, బెడ్‌లు మొదలైనవి అమర్చాలని బీజేపీ కోరుకుంటే, తేజస్వికి ఏం సంబంధం అని ప్రశ్నిస్తున్నారు. బీజేపీ కూడా తన వస్తువుల జాబితాను చూపించాలని ఆర్జేడీని కోరింది.

ఇదిలావుంటే, ల్యాండ్ ఫర్ జాబ్ స్కామ్ కేసులో తేజస్వి యాదవ్‌కు రూస్ అవెన్యూ కోర్టు నుంచి పెద్ద ఊరట లభించింది. కోర్టు అతనితోపాటు RJD చీఫ్ లాలూ ప్రసాద్ యాదవ్, తేజ్ ప్రతాప్ యాదవ్‌లకు ఒక్కొక్కరికి లక్ష రూపాయల బాండ్‌తో బెయిల్ మంజూరు చేసింది, అయితే నిందితులందరూ వారి పాస్‌పోర్ట్‌లను అప్పగించాలని కోర్టు కోరింది. కోర్టులో విచారణ సందర్భంగా లాలూ ప్రసాద్ యాదవ్, తేజస్వీ యాదవ్, తేజ్ ప్రతాప్ యాదవ్, మిసా భారతి ఒకే టేబుల్‌పై కూర్చున్నారు.

మరిన్ని జాతీయ వార్తల కోసం ఇక్కడ క్లిక్ చేయండి..