Rajnath Singh: అంగుళం భూమి వదులుకోము.. సరిహద్దులు దాటితే ప్రతీకారం తప్పదు.. రాజ్నాథ్ సింగ్ స్ట్రాంగ్ వార్నింగ్!
భారత రక్షణ శాఖ మంత్రి రాజ్నాథ్ సింగ్ సంచలన వ్యాఖ్యలు చేశారు. ఎవరైనా మన దేశంలోని అంగుళం భూమిని లాక్కోవాలని ప్రయత్నిస్తే తగిన సమాధానం చెబుతామని హెచ్చరించారు.
Rajnath Singh Warning: భారత రక్షణ శాఖ మంత్రి రాజ్నాథ్ సింగ్ సంచలన వ్యాఖ్యలు చేశారు. భారత్ తన పొరుగు దేశాలతో సత్సంబంధాలను కోరుకుంటోందని, అయితే, ఎవరైనా మన దేశంలోని అంగుళం భూమిని లాక్కోవాలని ప్రయత్నిస్తే తగిన సమాధానం చెబుతామని హెచ్చరించారు. పితోర్ఘర్ జిల్లాలోని జోల్ఖెట్ మూనాకోట్ నుండి ప్రారంభమైన ‘షహీద్ సమ్మాన్ యాత్ర’ రెండవ దశను ప్రారంభించడానికి రాజ్నాథ్ సింగ్ శనివారం ఉత్తరాఖండ్లో పర్యటిస్తున్నారు. ఈ సందర్భంగా ఆయన మాట్లాడుతూ.. పొరుగు దేశాలతో సత్సంబంధాలను కోరుకుంటున్నామని, భారతదేశం ఏ దేశంపైనా దాడి చేయలేదు, విదేశీ భూమిని ఆక్రమించలేదు. ఇది భారతదేశ సంస్కృతి. కానీ కొంతమందికి అది అర్థం కాదు. అది వారి అలవాటా లేక స్వభావమో తెలియదంటూ ఘాటుగా వ్యాఖ్యానించారు.
పాకిస్థాన్ పేరు చెప్పుకుని, ఉగ్రవాద కార్యకలాపాల ద్వారా భారత్ను అస్థిరపరిచేందుకు ప్రయత్నిస్తోందని, దానికి బలమైన సందేశం పంపామని రాజ్నాథ్ సింగ్ అన్నారు. సరిహద్దులు దాటితే సరిహద్దుల్లో ప్రతీకారం తీర్చుకోవడమే కాకుండా వారి భూభాగంలోకి ప్రవేశించి సర్జికల్, వైమానిక దాడులు చేస్తామని పశ్చిమ సరిహద్దులోని పొరుగువాడికి స్పష్టమైన సందేశం ఇచ్చారు. చైనా పేరు చెప్పకుండా, రక్షణ మంత్రి మాట్లాడుతూ, “మాకు మరొక పొరుగు దేశం.. భారత్ వైపు కన్నేత్తి చూస్తే ఊరుకునేదీలేదు, ఒక్క అంగుళం కూడా వదులుకునే ప్రస్తక్తే లేదని స్పష్టం చేశారు. ఎటువంటి అడ్డదారులకు ప్రయత్నిస్తే.. తగిన సమాధానం ఇస్తామన్నారు. 1971లో భారత్ విజయం సాధించిన సంగతి అందరికీ తెలిసిందేనన్నారు. భారత్ పొరుగుదేశాలు ఎలాంటి భ్రమలకు లోనుకావద్దని సింగ్ హెచ్చరించారు. నేపాల్లోని లిపులేఖ్ నుంచి మానససరోవర్కు వెళ్లే రహదారిపై అపోహ కల్పించేందుకు ప్రయత్నించారని రక్షణ మంత్రి అన్నారు. “కానీ అది నేపాల్తో మా సన్నిహిత సాంస్కృతిక సంబంధాలను ప్రభావితం చేయలేకపోయింది,” అని అతను చెప్పాడు.
అంతే కాకుండా, సేవలందిస్తున్న, పదవీ విరమణ చేసిన రక్షణ సిబ్బందికి సంబంధించిన సమస్యలను పరిష్కరించడానికి కేంద్రం మిషన్ మోడ్లో పనిచేస్తోందని రక్షణ మంత్రి చెప్పారు. “నేను బాధ్యతలు స్వీకరించినప్పుడు, 2006 కంటే ముందు పదవీ విరమణ చేసిన నాయబ్ సుబేదార్లకు సవరించిన పెన్షన్ను కోల్పోయారు. ఇప్పుడు, వారిలో దాదాపు 75,550 మంది దీనిని అందుకుంటున్నారు. షార్ట్ సర్వీస్ కమిషన్ ద్వారా రిక్రూట్ చేయబడిన రక్షణ సిబ్బంది పదవీ విరమణ తర్వాత వారి ర్యాంక్లను ఉపయోగించుకోవడానికి కూడా మేము అనుమతించాం” అని రాజ్నాథ్ తెలిపారు.సాయుధ దళాలకు చెందిన మూడు విభాగాలకు పెన్షన్ను కూడా సవరించాలని ఆదేశించినట్లు రాజ్నాథ్ చెప్పారు. యుద్ధంలో ప్రాణాలు కోల్పోయిన సైనికుల కుటుంబాలకు ఇచ్చే ఎక్స్ గ్రేషియాను రూ.2 లక్షల నుంచి రూ.8 లక్షలకు పెంచామన్నారు. మాజీ సైనికుల ఫిర్యాదుల పరిష్కారం కోసం ఆయన మంత్రిత్వ శాఖ ప్రత్యేక సెల్ను ఏర్పాటు చేసింది. విషయాలను అమలు చేయడానికి అవసరమైన రాజకీయ సంకల్పం మాకు ఉంది అని సింగ్ అన్నారు.
Read Also… YCP Vs TDP: సీఎం జగన్ ఉన్న ప్లెక్సీని చింపిన టీడీపీ నేతలు.. ఏడుగురిపై కేసు నమోదు..