హత్రాస్ కు వెళ్లేందుకు రాహుల్, ప్రియాంక గాంధీలకు అనుమతి

హత్రాస్ జిల్లాకు వెళ్లేందుకు కాంగ్రెస్ నేతలు రాహుల్. ప్రియాంక గాంధీలకు యూపీ ప్రభుత్వం నుంచి అనుమతి లభించింది. మరో ఇద్దరు నేతలు అధిర్ రంజన్ చౌదరి, కె.సి.వేణుగోపాల్ కూడా వీరి వెంట ఉన్నారు. అయితే శశిథరూర్ సహా మరో 30 మంది కాంగ్రెస్ ఎంపీలు కూడా హత్రాస్ వెళ్లేందుకు ప్రయత్నించినప్పటికీ భారీ సంఖ్యలో ఉన్న పోలీసులు వారిని అనుమతించలేదు. నోయిడా బోర్డర్ లో మోహరించిన పోలీసులను చూస్తే అదో పెద్ద ఖాకీల కోటను తలపించింది. మహిళలపై ఇన్ని నేరాలు, అఘాయిత్యాలు జరుగుతుండగా వీరంతా ఎక్కడ ఉన్నారని విశ్లేషకులు ప్రశ్నిస్తున్నారు. కాగా హత్రాస్ లో బాధిత యువతి కుటుంబాన్ని కాంగ్రెస్ నేతలు పరామర్శించనున్నారు.