ఢిల్లీ పోలీసులకు మెటల్ రాడ్స్ ! అంతా వట్టిదే ! అలాంటి ప్రతిపాదన లేదన్న అధికారులు

ఆందోళనకారులను ఎదుర్కొనేందుకు ఢిల్లీ పోలీసులకు మెటల్ రాడ్లను సమకూర్చాలన్న ప్రతిపాదన వట్టిదేనని తేలిపోయింది.  జనవరి 26 న ఎర్రకోట వద్ద ఘర్షణల సందర్భంగా ఓ రైతు ఓ పోలీసు అధికారిపైకి పొడవాటి కత్తి తో  దాడి చేసిన ఘటన తాలూకు ఫోటోలు వైరల్ అయ్యాయి. దాంతో ఇక ఇలాంటి హింసాత్మక ఘటనల్లో నిరసనకారులను  ఎదుర్కొనేందుకు పోలీసులకు పొడవాటి స్టీల్ రాడ్స్ ను సమకూరుస్తున్నారని వార్తలు వచ్చాయి. అయితే ఈ విధమైన ఉత్తర్వులను తాము జారీ చేయలేదని పోలీసు అధికారులు తెలిపారు.  మెటల్ రాడ్స్ పట్టుకున్న పోలీసుల తాలూకు ఫోటోల వెనక ఎవరున్నారో తెలుసుకుంటున్నామని వారు చెప్పారు. ఈ ఖాకీలు నగరంలోని షాహదర పోలీసు యూనిట్  కి చెందినవారిగా గుర్తించామని, అక్కడి ఓ అధికారి ఈ లోహపు ఆయుధాలను వీరికి సమకూర్చాలని ఆదేశించినట్టు వెల్లడైందని వారన్నారు. ఇందుకు ఆ ఆఫీసర్  నుంచి  సంజాయిషీ కోరుతూ ఉత్తర్వులు జారీ చేసినట్టు అధికారులు తెలిపారు.

ఈ స్టీల్ లాఠీలను వెనక్కి తీసుకుంటున్నట్టు స్పష్టం చేశారు. ఎవరి ఆదేశాలతో ఆ అధికారి ఈ సూచన చేశారో  ఇన్వెస్టిగేషన్ కూడా మొదలైంది.

Read More: కారులో రూ.80 లక్షలు లభ్యం.. నివ్వెర పోయిన పోలీసులు, అధికారులు.. రంగంలోకి ఆదాయపన్ను శాఖ అధికారులు.