Mumbai New Airport: కళ్లు జిగేల్ అనేలా నవీ ముంబై నూతన అంతర్జాతీయ విమానాశ్రయం డిజైన్.. వీడియో విడుదల..
Navi Mumbai International Airport: ఇంధనం, మౌలికవసతుల కల్పన, విమానాశ్రయాలు మరియు రవాణాతో సహా విభిన్న రంగాలకు విస్తరించిన...
Navi Mumbai International Airport: ఇంధనం, మౌలికవసతుల కల్పన, విమానాశ్రయాలు మరియు రవాణాతో సహా విభిన్న రంగాలకు విస్తరించిన జివికె గ్రూప్ తాజాగా నవీ ముంబై అంతర్జాతీయ విమానాశ్రయం యొక్క ఫస్ట్ లుక్ను ఆవిష్కరించింది. ముంబై టెర్మినల్ 2 రూపకల్పన కోసం జీవీకే గ్రూప్ కమలం రూపాన్ని ఆదర్శంగా తీసుకుంది.
భారత ప్రభుత్వం, మహారాష్ట్ర ప్రభుత్వం సిడ్కో ద్వారా నవీ ముంబై అంతర్జాతీయ విమానాశ్రయం ఫస్ట్లుక్ను విడుదల చేశాయి. జీవీకే ముంబై ఇంటర్నేషనల్ ఎయిర్పోర్ట్ లిమిటెడ్ ఈ విమానాశ్రయాన్ని భాగస్వామిగా అభివృద్ధి చేస్తోంది.
నవీ ముంబై అంతర్జాతీయ విమానాశ్రయం కోసం, జివికె లోటస్ ఫ్లవర్ ను ఆదర్శంగా తీసుకుని ఎయిర్పోర్ట్ డిజైన్ను రూపొందించింది. ఎన్ఎంఐఏ రూపకల్పన ఆధునికతను భారతీయ నీతి, కళ మరియు సంస్కృతితో మంత్రముగ్దులను చేసే నిర్మాణ శైలిలో మిళితం చేస్తుంది.
ఈ డిజైన్ను ప్రపంచవ్యాప్తంగా ప్రసిద్ధిగాంచిన నిర్మాణ సంస్థ జహా హదీద్ రూపొందించారు. వీరు బీజింగ్ డాక్సింగ్ అంతర్జాతీయ విమానాశ్రయాన్ని కూడా రూపొందించారు. సెంట్రల్ టెర్మినల్ కాంప్లెక్స్ నవీ ముంబై అంతర్జాతీయ విమానాశ్రయం నడిబొడ్డున ఉంటుంది. ఇది మల్టీమోడల్ ట్రాన్స్పోర్ట్ హబ్తో ప్రకృతి దృశ్యాలతో కూడిన సెంట్రల్ ఫోర్కోర్ట్ చుట్టూ ప్రణాళిక చేయబడిన మూడు ఇంటర్ కనెక్టడ్ మల్టీ-లెవల్ టెర్మినల్స్ క్లస్టర్గా ఉంటుంది. కాగా, జిఎంకె గ్రూప్ ఎన్ఎంఐఏ పూర్తి డిజైన్ను ప్రదర్శించే వీడియోను విడుదల చేసింది. ఈ విమానాశ్రయం ద్వారా సంవత్సరానికి 90 మిలియన్ల మంది ప్రయాణికులకు సేవలు అందించాలని లక్ష్యంగా పెట్టుకుంది.
పశ్చిమ, తూర్పు – రెండు దిశల నుండి ద్వంద్వ ప్రవేశాలతో ఎన్ఎంఐఏ ప్లా్న్ రూపొందించారు. హైస్పీడ్ ఎక్స్ప్రెస్వే, సబర్బన్ మెట్రో రైల్, నీటి రవాణా కనెక్టివిటీతో ఏకకాలంలో పనిచేయగల రెండు సమాంతర రన్వేలతో నాలుగు దశల్లో విమానాశ్రయం నిర్మించడానికి ప్రణాళికను రూపొందించారు. ఇది దేశీయ, అంతర్జాతీయ ట్రాఫిక్లకు సేవలు అందిస్తుంది. అలాగే నెక్స్ట్-జెన్ టెక్నాలజీతో ఉంటుంది.
సెంట్రల్ టెర్మినల్ కాంప్లెక్స్ 9 + 9 లేన్ల ద్వారా అనుసంధానించబడి ఉంది. విమానాశ్రయం పశ్చిమ, ఉత్తర భాగం ప్రయాణీకుల సంబంధిత సౌకర్యాలు, ఇతర ప్రయోజనాల కోసం ఉపయోగించనున్నారు. అయితే, ఎన్ఎంఐఏ తూర్పు భాగం కార్గో, ఎంఆర్ఓ, సాధారణ విమానయానానికి ఉపయోగించనున్నారు. తద్వారా రెండు ప్రవేశ ద్వారాల మధ్య వాహనాల రాకపోకలను వేరు చేస్తుంది.
ముంబై ఇంటర్నేషనల్ ఎయిర్పోర్ట్ లిమిటెడ్ (మియాల్) రూ.16,256 కోట్ల నవీ ముంబై అంతర్జాతీయ విమానాశ్రయాన్ని పూర్తి చేయడానికి మహారాష్ట్ర ముఖ్యమంత్రి ఉద్ధవ్ ఠాక్రే నవంబర్ 5 న ప్రతిష్టాత్మక గడువును నిర్ణయించారు. ఫడ్నవిస్ ప్రభుత్వం మొదటి దశను 2019 డిసెంబర్లో ప్రారంభించడానికి గడువు ఇచ్చింది. తరువాత ఏటా 10 మిలియన్ల మంది ప్రయాణికులను తమ తమ గమ్యస్థానాలకు చేరవేయడానికి 2020 మే, 2020 డిసెంబర్లకు రెండుసార్లు షెడ్యూల్ చేయబడింది.
Also read:
Magnet Man: కరోనా వ్యాక్సీన్ సెకండ్ డోస్ ఎఫెక్ట్.. అయస్కాంతంగా మారిన వ్యక్తి శరీరం..!
IND vs SRL: శ్రీలంక పర్యటనకు భారత్ రెడీ.. ప్లేయర్ల లిస్ట్ ను ప్రకటించిన బిసిసిఐ..