మీకు నేరుగా వ్యాక్సిన్ సరఫరా చెయ్యం, పంజాబ్ రాష్ట్రానికి మోడెర్నా ‘మొండిచెయ్యి’…గ్లోబల్ టెండర్ కి ఆదిలోనే హంసపాదు , నిలిచిపోయిన వ్యాక్సినేషన్
తమ రాష్ట్రానికి నేరుగా వ్యాక్సిన్ సరఫరా చేయాలంటూ పంజాబ్ ప్రభుత్వం చేసిన అభ్యర్థనకు అమెరికాలోని మోడెర్నా వ్యాక్సిన్ కంపెనీ మొండిచెయ్యి చూపింది. మా పాలసీ ప్రకారం మేం భారత ప్రభుత్వంతో మాత్రమే..
తమ రాష్ట్రానికి నేరుగా వ్యాక్సిన్ సరఫరా చేయాలంటూ పంజాబ్ ప్రభుత్వం చేసిన అభ్యర్థనకు అమెరికాలోని మోడెర్నా వ్యాక్సిన్ కంపెనీ మొండిచెయ్యి చూపింది. మా పాలసీ ప్రకారం మేం భారత ప్రభుత్వంతో మాత్రమే డీల్ చేస్తామని ఆ సంస్థ స్పష్టం చేసింది. దీంతో పంజాబ్ సర్కార్ డీలా పడింది. రాష్ట్రంలో అందరికీ సాధ్యమైనంత త్వరగా వ్యాక్సినేషన్ చేయించేందుకు ఈ ప్రభుత్వం వివిధ మార్గాల ద్వారా టీకామందు పొందడానికి ప్రయత్నిస్తోంది. ఇందులో భాగంగా గ్లోబల్ టెండర్లు వేయడానికి పూనుకొంది. కానీ ఆదిలోనే హంసపాదు ఎదురైంది. ఇక స్పుత్నిక్ వీ, ఫైజర్, జాన్సన్ అండ్ జాన్సన్, వంటి వివిధ రకాల వ్యాక్సిన్లను నేరుగా ఆయా కంపెనీల నుంచే కొనుగోలు చేసే యత్నాలు ప్రారంభించింది. వీటిలో మోడెర్నా మాత్రం తాము కేవలం కేంద్రంతో మాత్రమే టచ్ లో ఉంటాము తప్ప.. మరే ఇతర రాష్ట్రంతో గానీ, ఏ ప్రైవేటు పార్టీలతో గానీ కాదని, ఇది తమ విధానమని పేర్కొంది. వ్యాక్సిన్ కొరత కారణంగా పంజాబ్ లో మూడు, నాలుగు రోజులుగా వ్యాక్సినేషన్ కార్యక్రమం నిలిచిపోయింది. మొదటి, రెండో దశ టీకామందుల డ్రైవ్ ని అధికారులు నిలిపివేశారు. కాగా చాలా రాష్ట్రాలు ఇదే విధమైన పరిస్థితిని ఎదుర్కొంటున్నాయి.
ఇక కెనడా, అమెరికా, బ్రిటన్ వంటి పలు దేశాల్లో మోడెర్నా వ్యాక్సిన్ ని ప్రజలకు జోరుగా ఇస్తున్నారు. ఒకప్పుడు భారత ప్రభుత్వం కూడా మోడెర్నా టీకామందు కొనుగోలు కోసం యత్నించినప్పటికీ ఆ కంపెనీ పెట్టిన షరతులు, నిబంధనల కారణంగా ఈ యత్నాన్ని వాయిదా వేసుకుంది. అయితే రష్యా నుంచి స్పుత్నిక్ వీ వ్యాక్సిన్ ఇండియాకు అందడం కొంతలోకొంత ముదావహం.
మరిన్ని చదవండి ఇక్కడ : sonu sood video : పాన్ ఇండియా మూవీ హీరోగా సోను భాయ్..క్రిష్ దర్శకత్వంలో రియల్ హీరో టూ రీల్ హీరో
వావ్ కాంబినేషన్ సాయి పల్లవి సరసన డేవిడ్ వార్నర్.. వైరల్ అవుతున్న వీడియో ..:David Warner dance video.