India Corona: కరోనా మృత్యుతాండవం.. దేశంలో భారీగా పెరిగిన మరణాలు.. నిన్న ఎన్నంటే..?
India Covid-19: రోజురోజుకూ వ్యాప్తి పెరుగుతుండటంతో అంతటా ఆందోళన నెలకొంది. ఇటీవల ఎన్నడూ లేని విధంగా రోజువారి కేసులు నమోదయ్యాయి.
India Covid-19 Updates: దేశంలో కరోనావైరస్ మహమ్మారి విజృంభిస్తోంది. రోజురోజుకూ వ్యాప్తి పెరుగుతుండటంతో అంతటా ఆందోళన నెలకొంది. ఇటీవల ఎన్నడూ లేని విధంగా రోజువారి కేసులు నమోదయ్యాయి. ఈ క్రమంలో దేశంలో కరోనా (Coronavirus) కేసులు భారీగా తగ్గుముఖం పడుతున్నాయి. గడిచిన 24 గంటల్లో (సోమవారం) కేసుల సంఖ్య భారీగా తగ్గింది. చాలా రోజుల తర్వాత కేసుల సంఖ్య రెండు లక్షల దిగువన నమోదైంది. కాగా.. మరణాల సంఖ్య భారీగా పెరుగుతున్నాయి. దేశవ్యాప్తంగా నిన్న 1,67,059 కరోనా కేసులు నమోదయ్యాయి. దీంతోపాటు.. ఈ మహమ్మారి కారణంగా నిన్న 1192 మంది ప్రాణాలు కోల్పోయారు. ఈ మేరకు కేంద్ర ఆరోగ్యశాఖ (Health Ministry) మంగళవారం ఉదయం హెల్త్ బులెటిన్‌ను విడుదల చేసింది.
కాగా.. దేశంలో పాజిటివిటి రేటు గణనీయంగా తగ్గుతూ వస్తోంది. రోజూవారి పాజిటివిటీ రేటు ప్రస్తుతం 11.69 శాతం ఉన్నట్లు ఆరోగ్య శాఖ తెలిపింది. నిన్న కరోనా (Covid-19) మహమ్మారి నుంచి 2,54,076 మంది బాధితులు కోలుకున్నారు. ప్రస్తుతం దేశంలో 17,43,059 కేసులు (4.20 శాతం) యాక్టివ్‌గా (Active cases) ఉన్నాయి.
తాజాగా నమోదైన గణాంకాల ప్రకారం.. దేశంలో మొత్తం కరోనా కేసుల సంఖ్య 4.14 కోట్లకు చేరగా.. మరణాల సంఖ్య 4,96,242 కి పెరిగింది. ఇప్పటివరకు ఈ మహమ్మారి నుంచి 3.92 కోట్ల మంది కోలుకున్నారు. కరోనా రికవరీ రేటు దేశంలో 94 శాతం ఉన్నట్లు కేంద్ర తెలిపింది.
కాగా.. దేశంలో వ్యాక్సినేషన్ ప్రక్రియ కూడా ముమ్మరంగా కొనసాగుతోంది. ఇప్పటివరకు దేశంలో 1,66,68,48,204 టీకా డోసులను వేసినట్లు కేంద్రం తెలిపింది.
India’s daily cases drop below 2 lakh; the country reports 1,67,059 new #COVID19 cases, 1192 deaths and 2,54,076 recoveries in the last 24 hours
Active case: 17,43,059 (4.20%)
Daily positivity rate: 11.69%Total Vaccination : 1,66,68,48,204 pic.twitter.com/7yjkgUUMB8
— ANI (@ANI) February 1, 2022
Also Read: