మూడు రోజుల్లోగా ఎన్నికల గైడ్ లైన్స్, ఈసీ కసరత్తు

కొన్ని రాష్ట్రాల అసెంబ్లీలకు జరగనున్న ఎన్నికలకు…ఈసీ.. (ఎన్నికల కమిషన్) మరో మూడు రోజుల్లోగా మార్గదర్శక సూత్రాలను రూపొందించనుంది. బిహార్, తమిళనాడు, పశ్చిమ బెంగాల్, అస్సాం తదితర రాష్టాల్లో ఈ సంవత్సరాంతంలోను, వచ్ఛే ఏడాది ఆరు నెలల కాలంలోనూ ఎన్నికలు జరగనున్నాయి. కొన్ని రాష్ట్రాల్లో బై పోల్స్ ను కూడా నిర్వహించనున్నారు. ఈ కోవిడ్ తరుణంలో ఎన్నికలకు సంబంధించి ఆయా రాజకీయ పార్టీలు ఇచ్చిన సలహాలు, చేసి న సూచనలను పరిగణనలోకి తీసుకున్నామని ఈసీ అధికార ప్రతినిధి షెఫాలీ శరణ్ తెలిపారు. ఈ మార్గదర్శక సూత్రాల ఆధారంగా ఆయా రాష్ట్రాల చీఫ్ ఎలెక్టోరల్ ఆఫీసర్లు సమగ్ర ప్రణాళికను రూపొందించవలసి ఉంటుందన్నారు.

బీహార్ లో అప్పుడే మెల్లగా ఎన్నికల వేడి మొదలైంది. ఆ రాష్ట్ర మంత్రి శ్యామ్ రజక్… జెడి-యు నుంచి బయటికి వచ్చి లాలూ ప్రసాద్ యాదవ్ నేతృత్వంలోని ఆర్జేడీ లో చేరనున్నారు. సీఎం నితీష్ కుమార్ నాయకత్వాన్ని ప్రశ్నిస్తున్నారు. అలాగే మధ్యప్రదేశ్ లో కే ఖాళీ అయిన సుమారు 22 అసెంబ్లీ నియోజకవర్గాలకు ఉపఎన్నికలు నిర్వహించాల్సి ఉంది.