Assembly Election Voting 2026 Live: మూడు రాష్ట్రాల్లో ప్రశాంతంగా ముగిసిన పోలింగ్.. భారీగా పోలింగ్ నమోదు!

అస్సాంలోని దిఫు నియోజకవర్గంలో పోలింగ్ బూత్ లోపల వీడియో తీసినందుకు ఒక ఎఫ్ఐఆర్ నమోదైంది. దిఫు నియోజకవర్గంలోని ఒక పోలింగ్ బూత్ లోపల జరుగుతున్న ప్రక్రియను చూపిస్తూ.. సోషల్ మీడియాలో వీడియో షేర్ చేశాడు. ఈ వీడియోపై ఎఫ్ఐఆర్ నమోదైంది. అస్సాంలోని కర్బీ ఆంగ్లాంగ్ జిల్లా యంత్రాంగం ఈ ఫిర్యాదును దాఖలు చేసిందని అధికారులు తెలిపారు. ఈ ఘటనపై దర్యాప్తు ప్రారంభించారు. పోలింగ్ బూత్‌ల లోపల మొబైల్ ఫోన్లు నిషేధం. లోపలికి ప్రవేశించే ముందు మొబైల్ ఫోన్లు, ఇతర వస్తువులను డిపాజిట్ చేయడానికి ఎన్నికల సంఘం ఏర్పాట్లు చేసింది.

పుదుచ్చేరిలోని మన్నడిపేట అసెంబ్లీ నియోజకవర్గంలోని ఒక పోలింగ్ బూత్ వద్ద బీజేపీ, కాంగ్రెస్ కార్యకర్తల మధ్య ఘర్షణ చెలరేగింది. తిరుకనూర్ గ్రామంలోని ఒక పోలింగ్ బూత్ సమీపంలో బీజేపీ కార్యకర్తల బృందం నిలబడి ఉంది. అక్కడ ఓటర్లు మాత్రమే ఉండేందుకు అనుమతి ఉందని కాంగ్రెస్ పార్టీ అభ్యంతరం తెలిపింది. దీంతో వాగ్వాదం జరిగి, తోపులాటకు దారి తీసింది. పోలీసులు జోక్యం చేసుకుని ఇరువర్గాలను చెదరగొట్టారు.

మూడు రాష్ట్రాల్లో అసెంబ్లీ ఎన్నికల పోలింగ్ ప్రశాంతంగా కొనసాగుతోంది. అస్సాంలో మధ్యాహ్నం 3 గంటల సమయానికి 75.91% ఓటింగ్ నమోదైంది. కేరళలో 62.71% ఓటింగ్ నమోదైంది. పుదుచ్చేరిలో 72.40% ఓటింగ్ నమోదైంది. ఉదయం 7 గంటలకు ప్రారంభమైన పోలింగ్ సాయంత్రం 5 గంటల వరకు కొనసాగుతుంది.

త్రిస్సూర్‌లో ఓటు వేయడానికి గంటన్నర పాటు క్యూలో నిలబడిన 62 ఏళ్ల వ్యక్తి, ఓటు వేసిన వెంటనే మరణించాడు. వానియంపరలో ఓటు వేసిన తర్వాత 62 ఏళ్ల వ్యక్తి అస్వస్థతకు గురై, కొద్దిసేపటికే మరణించాడు. మృతుడిని వానియంపర సమీపంలోని రామన్‌చిర నివాసి వినోదన్‌గా పోలీసులు గుర్తించారు. వినోదన్ ఉదయం తన ఓటు వేయడానికి వానియంపరలోని ఈకేఎం యూపీ పాఠశాలకు వచ్చాడు. ఓటు వేయడానికి ముందు అతను సుమారు గంటసేపు క్యూలో నిలబడ్డాడు.

ఆకాశం మేఘావృతమై, అడపాదడపా వర్షం కురుస్తున్నప్పటికీ, అస్సాం అసెంబ్లీ ఎన్నికలకు ఓటర్లు భారీ సంఖ్యలో తరలివచ్చారు. తొలిసారి ఓటు వేస్తున్న వారి నుండి వృద్ధుల వరకు, అన్ని వయసుల వారిలో ఉత్సాహం స్పష్టంగా కనిపించింది. పలు ప్రాంతాల్లో భారీ వర్షాలు కురవగా, గౌహతితో సహా కొన్ని చోట్ల ఉదయం నుండి తేలికపాటి వర్షాలు కురుస్తున్నాయి. అయినప్పటికీ, వాతావరణం ఓటింగ్‌పై పెద్దగా ప్రభావం చూపలేదు. జోర్హాట్, కామరూప్, కోక్రాఝర్, లఖింపూర్ వంటి జిల్లాల్లోని పోలింగ్ కేంద్రాల బయట పొడవైన క్యూలు కనిపించాయి. 126 స్థానాలున్న ఈ శాసనసభకు ఉదయం 7 గంటలకు ప్రారంభమైన పోలింగ్ సాయంత్రం 5 గంటల వరకు కొనసాగుతుంది.

అస్సాం ముఖ్యమంత్రి హిమంత బిస్వా శర్మ గౌహతిలో తన భార్య రినికి శర్మ, పిల్లలతో కలిసి ఓటు వేశారు. జలుక్‌బరి నుంచి మూడోసారి పోటీ చేస్తున్న హిమంత, కామాఖ్య ఆలయంతో సహా పలు పుణ్యక్షేత్రాలలో ప్రత్యేక పూజలు చేశారు. ఉదయం 7 గంటల నుంచి సాయంత్రం 5 గంటల వరకు పోలింగ్ జరుగుతుంది. మే 4న ఓట్ల లెక్కింపు జరుగుతుంది.

• పుదుచ్చేరిలో కొనసాగుతున్న అసెంబ్లీ ఎన్నికల పోలింగ్..
• మధ్యాహ్నం 1 గంట వరకు 50శాతం పోలింగ్ నమోదు
• సాయంత్రం 6 గంటలకల్లా ఓటింగ్ 80శాతం దాటుతుందని అధికారుల అంచనా

• పుదుచ్చేరి ఎన్నికల వేళ ప్రజలకు విజయ్ కీలక పిలుపు
• చివరి క్షణం వరకు అప్రమత్తంగా ఉండాలని సూచన
• ప్రతి ఒక్కరు ఓటు హక్కు వినియోగించుకోవాలన్న విజయ్ 

• కారైకల్ సౌత్ నియోజకవర్గ పోలింగ్ కేంద్రంలో పొగ కలకలం 
• సడెన్‌గా పొగ రావడంతో ఆందోళన చెందిన ఓటర్లు
• 10 నిమిషాల పాటు ఓటింగ్ నిలిపివేసిన అధికారులు
• సమస్య పరిష్కారం తర్వాత ఓటింగ్ ప్రారంభం

• కేరళలో కొనసాగుతున్న అసెంబ్లీ ఎన్నికల కౌంటింగ్
• ఇప్పటికే ఓటు హక్కు వినియోగించుకున్న పలువురు ప్రముఖులు
• వళుతక్కాడ్‌లోని కాటన్ హిల్ ప్రభుత్వ స్కూల్లో ఓటేసిన కాంగ్రెస్ ఎంపీ శశి థరూర్ 

• కేరళలో అధికారంలోకి వచ్చేది యూడీఎఫ్ కూటమే – ఏకే ఆంటోని
• ఈ ఎన్నికలు ప్రజల తీర్పుకు స్పష్టమైన నిదర్శనంగా నిలుస్తాయి – ఆంటోని
• ఎల్‌డిఎఫ్ ప్రభుత్వాన్ని గద్దె దించాలని ప్రజలు కోరుకుంటున్నారు – ఆంటోని

• కొనసాగుతున్న పుదుచ్చేరి అసెంబ్లీ ఎన్నికల పోలింగ్
• ఉదయం 11 గంటల వరకు 37.70 శాతం ఓటింగ్ నమోదు

• కేరళలో కొనసాగుతున్న అసెంబ్లీ ఎన్నికల పోలింగ్
• ఉదయం 11 గంటల వరకు 33.02 శాతం పోలింగ్
• పోలింగ్ కేంద్రాల వద్ద బారులు తీరిన ఓటర్లు

• వడక్కంచెరిలో నకిలీ ఓట్లు అంటూ బీజేపీ ఆరోపణలు
• సజీవ్ వేసిన ఓటును పోస్టల్ ఓటుగా నమోదు చేశారని ఫిర్యాదు
• అధికారుల తీరుపై బీజేపీ ఆగ్రహం.. పోలింగ్ బూత్ వద్ద నిరస

• పుదుచ్చేరిలో కొనసాగుతున్న అసెంబ్లీ ఎన్నికల పోలింగ్
• బైక్‌పై వచ్చి ఓటేసిన సీఎం రంగస్వామి
• మంగళం, తట్టంజవాడి నియోజకవర్గాల నుంచి పోటిచేస్తున్న రంగస్వామి

• కొనసాగుతున్న కేరళ అసెంబ్లీ ఎన్నికల పోలింగ్
• తిరువనంతపురంలోని ముడవన్ముక్కేలిలో ఓటేసిన మోహన్‌లాల్
• నా వంతు అయ్యింది.. ఇప్పుడు మీ వంతు అంటూ మోహన్‌లాల్ పోస్ట్

• కేరళ అసెంబ్లీ ఎన్నికలు.. ఓటేసిన సీఎం పినరయి విజయన్
• కుటుంబంతో కలిసి వచ్చి ఓటేసిన విజయన్
• పినరయి లోని ఆర్‌సి అమల యూపీ పాఠశాలలో ఓటేసిన సీఎం

• పుదుచ్చేరిలో కొనసాగుతున్న పోలింగ్
• వీఓసీ స్కూల్ పోలింగ్ బూత్‌లో నీలా అనే రోబో సందడి
• ఓటర్లకు స్వాగతం పలుకుతున్న నీలా రోబో

• కేరళలో పలుచోట్ల మొరాయించిన ఈవీఎంలు
• పోలింగ్ బూత్‌ల వద్ద బారులు తీరిన ఓటర్లు
• పెరంబ్రాలోని 90, 91 బూత్‌లలో విద్యుత్ అంతరాయంతో నిలిచిన పోలింగ్
• పెరింగోడ్ హైస్కూల్‌లో గల 178వ నంబరు బూత్‌లో పనిచేయని ఈవీఎం

• కేరళం మట్టనూర్ మలూరులో బీజేపీ బూత్ ఏజెంట్‌పై రాళ్ల దాడి ఆరోపణలు
• సీపీఎం సభ్యులే రాళ్లు విసిరారని బీజేపీ ఆరోపణ
• ఈ ఘటనలో మనోలి షైజు అనే వ్యక్తికి గాయాలు

• • పుదుచ్చేరిలో నాలుగు కూటమిల మధ్య హోరాహోరీ
  • ఎన్ఆర్ కాంగ్రెస్ నేతృత్వంలోని తేజ కూటమి, కాంగ్రెస్ నేతృత్వంలోని ఇండి కూటమి..
  •  నామ్ తమిళర్ పార్టీ, టీవీకే పార్టీ మధ్య ప్రధాన పోరు

• కేరళ, అస్సాం, పుదుచ్చేరిలో ప్రారంభమైన పోలింగ్..
• కేరళలో 140 స్థానాలు, అస్సాంలో 126, పుదుచ్చేరిలో 30 స్థానాలకు పోలింగ్