ఆమెకు 18.. అతనికి 50..! పారిపోయి మరీ ప్రేమ పెళ్లి చేసుకున్నారు! అమ్మాయి మైనర్గా ఉన్నప్పటి నుంచి..
18 ఏళ్ల అమ్మాయిని ఓ 50 ఏళ్ల వ్యక్తి ఆలయంలో వివాహం చేసుకున్నాడు. ఆ అమ్మాయి మైనర్గా ఉన్నప్పటి నుంచే.. ఆమెను ప్రేమిస్తున్న వ్యక్తి ఆ విషయం ఆమెకు చెప్పడం, ఆమె ఒప్పుకోవడం, విషయం ఇంట్లో తెలియడం కూడా జరిగిపోయింది. తల్లిదండ్రులు బాలికను దాచిపెట్టినా.. ఆ వ్యక్తి ఆమెను తీసుకెళ్లి పెళ్లి చేసుకున్నాడు.
ఈ మధ్య కాలంలో పుడుతున్న ప్రేమలు కులం, మతం, ప్రాంతంతో పాటు కనీసం వయసు కూడా చూసుకోవడం లేదు. ప్రేమ గుడ్డిది బాస్.. వయసుతో సంబంధం ఏంటీ అంటారా? అయితే ఈ 18 వెడ్స్ 50 లవ్ అండ్ మ్యారేజ్ గురించి తెలుసుకోండి. ఓ 50 ఏళ్ల వ్యక్తి, ఓ మైనర్ బాలికను ప్రేమించాడు. విచిత్రం ఏంటంటే బాలిక కూడా అతన్ని ప్రేమించింది. ఈ విషయం బాలిక ఇంట్లో తెలిసి, సినిమాల్లో చూపించినట్లు ఆమెను తీసుకెళ్లి అమ్మమ్మ ఇంట్లో దాచారు, అయినా కూడా ఆ వ్యక్తి బాలికను మర్చిపోలేక, ఆమె ఎక్కడ ఉందో కనిపెట్టి, ఆమెను తీసుకొని వెళ్లిపోయాడు. ఇద్దరూ కలిసి ఓ గుళ్లో పెళ్లి కూడా చేసుకున్నారు. వింటుంటే సినిమా స్టోరీలా అనిపిస్తున్న ఈ తతంగం అంతా నిజంగానే జరిగింది. కర్ణాటకలోని హుబ్లీకి చెందిన ప్రకాశ్ అనే 50 ఏళ్ల వ్యక్తి, అదే ప్రాంతానికి చెందిన కరీష్మా అనే బాలికను ప్రేమించాడు. ఆ విషయం ఆమెకు చెబితే ఆమె కూడా ఓకే చెప్పింది.
విచిత్రం ఏంటంటే.. ప్రకాశ్కు అప్పటికే వివాహనమై, ఇద్దరు పిల్లలు కూడా ఉన్నారు. అయినా కూడా వారిద్దరి మధ్య ప్రేమ చిగురించింది. అలా ఓ రెండేళ్ల పాటు వీరి ప్రేమ వ్యవహారం సాగింది. విషయం బాలిక ఇంట్లో తెలిసి, ఈ విపరీత పొకడలు ఎక్కడికి దారి తీస్తాయో అని భయపడి, బాలికను మహారాష్ట్రలోని కొల్హాపూర్లో గల అమ్మమ్మ ఇంటికి పంపించారు. కానీ, నెలన్నర క్రితం అంటే జనవరి 3న ఆ బాలిక కనిపిచంకుండా పోయింది. దీంతో బాలిక తల్లిదండ్రులు, ఇది కచ్చితంగా ప్రకాశ్ పనే అయి ఉంటుందని పోలీసులకు ఫిర్యాదు చేశారు. పోలీసులు బాలిక కిడ్నాప్ కేసు నమోదు చేసుకొని, దర్యాప్తు ప్రారంభించారు. అయితే తాజాగా ప్రకాశ్, కరీష్మా ఓ గుడిలో దండలు మార్చుకొని పెళ్లి చేసుకున్నట్లు కుటుంబ సభ్యులకు తెలిపారు. ఇన్ని రోజులు కర్మిషా మైనర్ కావడంతో పెళ్లి చేసుకోకుండా ఆగిన ప్రకాశ్, 18 ఏళ్ల నిండిన తర్వాత ఆమెను ఈ మధ్యనే పెళ్లి చేసుకొని, ఆ విషయాన్ని ప్రపంచానికి తెలిసేలా చేశాడు. ఇలా సినిమా స్టోరీని మించి సాగిన ఈ 18 వెడ్స్ 50 లవ్ స్టోరీ ప్రస్తుతం సోషల్ మీడియాలో వైరల్గా మారింది. అయితే నెటిజన్లు మాత్రం ఈ విషయంలో ప్రకాశ్పై ఆగ్రహం వ్యక్తం చేస్తున్నారు. ఆల్రెడీ పెళ్లి అయి, ఇద్దరు పిల్లలకు తండ్రి అయి ఉండి, ఓ మైనర్ బాలికను ప్రేమించడం ఏంటని మండిపడుతున్నారు.
చట్టం ఏం చెబుతోంది..?
18 ఏళ్ల అమ్మాయిని పెళ్లి చేసుకోవడాన్ని చట్టం తప్పుబడుతోంది. దీన్ని బాల్య వివాహంగా పరిగణిస్తూ, ప్రకాశ్పై పోక్సో (ప్రొటెక్షన్ ఆఫ్ చైల్డ్ ఫ్రమ్ సెక్సువల్ అఫెన్స్ యాక్ట్) చట్టం కింద పోలీసులు ఇప్పటికే కేసు నమోదు చేశారు. అలాగే ప్రకాశ్పై ఇప్పటికే బాలిక కిడ్నాప్ కేసు కూడా ఉంది.
మరిన్ని జాతీయ వార్తల కోసం ఇక్కడ క్లిక్ చేయండి.