Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

అంజన్న భక్తులపైకి దూసుకెళ్లిన లారీ

జగిత్యాల జిల్లాలో ఘోర రోడ్డు ప్రమాదం చోటు చేసుకుంది. ఆంజనేయ స్వామి దీక్షాపరులపైకి లారీ దూసుకెళ్లింది. వీరంతా కొండగట్టు అంజన్న దర్శనం కోసం పాదయాత్రగా వెళ్తున్నారు. ఈ ప్రమాదంలో అరుణ్ కుమార్ అనే వ్యక్తి అక్కడికక్కడే చనిపోగా.. రాజేందర్ హాస్పిటల్‌కు తరలిస్తుండగా మృతి చెందాడు. వీరిద్దరూ చొప్పదండి మండలం బూపాలపట్నం గ్రామానికి చెందిన వారుగా గుర్తించారు.

మరోవైపు దారులన్నీ ఏకమై కొండగట్టు నిండుతోంది. రాష్ట్రం నలుమాలల నుంచి తరలిస్తున్న వేలాది మంది దీక్షాదారులతో ఇప్పటికే కాషాయమయమైంది. హానుమాన్, రామనామ సంకీర్తనలతో మార్మోగిపోతోంది. ఆంజనేయస్వామి దేవస్థానంలో నిర్వహిస్తున్న చిన్న జయంతి ఉత్సవాల్లో భాగంగా రెండోరోజు సుమారు 20వేల మంది అంజన్న స్వాములు మూల విరమణ చేసి స్వామివారిని దర్శించుకుని వెళ్లారు. ఇవాళ జయంతి సందర్భంగా భక్తులు వేలాదిగా తరలివచ్చారు. మండుతున్న ఎండను సైతం లెక్క చేయకుండా దీక్షాపరులు తెలంగాణ నుంచే కాకుండా ఇతర రాష్ట్రాల నుంచి కూడా కొండగట్టుకు చేరుకుంటున్నారు.