Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

ఐదు గంటలు వెయిట్ చేసి వెళ్లిపోయిన మహేశ్

, ఐదు గంటలు వెయిట్ చేసి వెళ్లిపోయిన మహేశ్

తన మూవీ షూటింగ్‌కు అంతా సిద్ధంగా ఉన్నప్పటికీ ఒక్క కారణంతో దాదాపు ఐదు గంటలు వెయిట్ చేశాడు సూపర్‌స్టార్ మహేశ్. చివరకు చేసేదేమీ లేక వెనుదిరిగి ఇంటికెళ్లిపోయాడు. ఈ సంఘటన ఆదివారం జరిగింది.

ప్రస్తుతం మహేశ్ బాబు, వంశీ పైడిపల్లి దర్శకత్వంలో ‘మహర్షి’లో నటిస్తున్నాడు. ఈ మూవీ షూటింగ్ హైదరాబాద్‌లో జరుగుతోంది. అందులో భాగంగా ఆదివారం శంషాబాద్‌ ఎయిర్‌పోర్టులో షూటింగ్‌ను ప్లాన్ చేశాడు దర్శకుడు. అందుకోసం ఉదయం 7.30గంటలకు ఎయిర్‌పోర్టుకు చేరుకున్నాడు మహేశ్. అయితే షూటింగ్‌ చేసేందుకు కాసేపు ఆగాలని ఎయిర్‌‌‌పోర్టు అధికారులు మహర్షి టీంను కోరారు. దీంతో మహేశ్ కార్వాన్‌లోనే ఉండిపోయాడు.

ఆ తరువాత ఓ బెదిరింపు కాల్ రావడంతో హై అలర్ట్ ప్రకటించారు అధికారులు. దీంతో దాదాపు ఐదు గంటల పాటు వెయిట్ చేసిన మహేశ్ చివరకు ఇంటికి వెళ్లిపోయారట. అయితే ఆ సమయమంతా మహేశ్ చాలా సహనంతో వెయిట్ చేశారని, ఎవరి మీద ఎలాంటి కంప్లైంట్ ఇవ్వలేదని తెలుస్తోంది. కాగా ఈ చిత్రంలో మహేశ్ సరసన పూజా హెగ్డే నటిస్తుండగా.. అల్లరి నరేశ్ కీలక పాత్రలో కనిపించనున్నాడు. దిల్ రాజు, అశ్వనీదత్, పీవీపీ సంయుక్తంగా నిర్మిస్తోన్న ఈ మూవీకి దేవీ శ్రీ ప్రసాద్ సంగీతం అందిస్తున్నాడు.