Winter care tips: చలికాలంలో గర్భిణీ స్త్రీలు పాటించవల్సిన జాగ్రత్తలు ఏవంటే..

Winter Care Tips For Pregnants

శీతాకాలం వచ్చేసింది. చలి జోరందుకుంటోంది. ఈ కాలంలో ఎన్నో రకాల సీజనల్ వ్యాధులు కూడా ఊపందుకుంటాయి. చలికాలంలో శరీరాన్ని వెచ్చగా ఉంచుకోవడంతోపాటు, రోజు వారీ అలవాట్లు కూడా మారిపోతుంటాయి. ఈ కాలంలో ఉదయాన్నే నిద్రలేవాలంటే ఎక్కడలేని బద్దకం కమ్మేస్తోంది. ముఖ్యంగా గర్భిణీ స్త్రీలు శీతాకాలంలో చాలా జాగ్రత్తగా ఉండాలి. కడుపులో బిడ్డ ఆరోగ్యంగా ఉండాలంటే ఈ కింది జాగ్రత్తలు తీసుకోవాలి.

• గర్భిణీ స్ర్తీలు మాత్రమేకాకుండా, ప్రతి ఒక్కరూ చలికాలంలో అధికంగా నీళ్లు తాగాలి. తద్వారా శరీరానికి సరిపడా నీళ్లు అందుతాయి. ఫలితంగా శరీరం హైడ్రేట్‌గా ఉంటుంది. శరీరంలో రక్త ప్రసరణ సక్రమంగా జరగడానికి తదినన్ని నీళ్లు తాగుతుండాలి.
• చలికాలంలో గర్భిణీ స్త్రీలు టీ, కాఫీలకు దూరంగా ఉండాలి. కొబ్బరినీళ్లు, జ్యూస్‌లు తాగడం మంచిది.
• చలికాలంలో జబ్బులు రాకుండా ఉండాలంటే తరచూ సబ్బుతో చేతులు కడుక్కుంటూ ఉండాలి.
• అనారోగ్యంతో ఉన్న వారికి గర్భిణి స్త్రీలు దూరంగా ఉండటం మంచిది.
• రోజూ క్రమం తప్పకుండా చిన్నపాటి యోగాలు చేస్తుండాలి.
• సమయానికి ఆహారం తీసుకోవాలి.
• కంటికి సరిపడా నిద్రపోవాలి.
• ఉదయం, సాయంత్రం వేళల్లో లేలేత సూర్య కిరణాలు పడే సమయంలో ఎండలో కాసేపు ఉండాలి. ఫలితంగా శరీరానికి అవసరమైన విటమిన్ డి అందుతుంది.
• అలాగే ఇతర చర్మ సమస్యలు తలెత్తకుండా శరీరానికి తత్వానికి నప్పే మాయిశ్చరైజర్‌ను ఉపయోగించాలి.

మరిన్ని తాజా ఆరోగ్య సమాచారం కోసం క్లిక్ చేయండి.