రోజూ ఉదయాన్నే వేప నీటితో ముఖం కడిగితే ఏమవుతుందో తెలుసా? బ్యూటీ ఎక్స్‌పర్ట్ సలహా!
అందమైన, ఆరోగ్యకరమైన చర్మం కోసం మనం రకరకాల కెమికల్ ప్రొడక్ట్స్‌ వాడుతుంటాం. కానీ, మన ప్రాచీన ఆయుర్వేదంలో లభించే సహజ సిద్ధమైన మూలికలతో ముఖాన్ని కాంతివంతంగా మార్చుకోవచ్చు. అందులోనూ ముఖ్యంగా వేపాకు చర్మానికి ఎంతో మేలు చేస్తుంది. ప్రముఖ బ్యూటీ ఎక్స్‌పర్ట్ నీరూ సహరావత్ తెలిపిన వివరాల ప్రకారం.. రోజూ ఉదయాన్నే వేప నీటితో ముఖం కడుక్కోవడం వల్ల చర్మానికి కలిగే ప్రయోజనాలు, వాటిని తయారు చేసుకునే విధానం గురించి ఇప్పుడు వివరంగా తెలుసుకుందాం.
వేప చర్మానికి చాలా మేలు చేస్తుందని అంటారు. అందుకే, ప్రజలు తమ చర్మ సంరక్షణ కోసం వేప ఆకులను రకరకాలుగా ఉపయోగిస్తారు. ప్రముఖ సౌందర్య నిపుణురాలు నీరూ సెహ్రావత్ తన ఇన్‌స్టాగ్రామ్ హ్యాండిల్‌లో ఒక వీడియోను షేర్‌ చేశారు.. ఈ వీడియోలో, ఆమె చర్మానికి వేపను ఉపయోగించే ఇలాంటి పద్ధతినే వివరించారు. నిపుణులు ప్రతి ఉదయం వేప నీటితో ముఖం కడుక్కోవాలని సిఫార్సు చేస్తున్నారు. ప్రతి ఉదయం వేప నీటితో ముఖం కడుక్కుంటే ఏమవుతుంది? వేప నీటిని ఎలా తయారు చేసుకోవాలో తెలుసుకుందాం.
వేప నీరు మొటిమల ఉపశమనానికి-
వేపలో శక్తివంతమైన యాంటీ బాక్టీరియల్, యాంటీ ఫంగల్ గుణాలు పుష్కలంగా ఉంటాయి. ఇవి చర్మంపై బాక్టీరియా చేరకుండా చూస్తాయి. దీనికోసం ఒక గుప్పెడు వేపాకులను బాగా కడిగి శుభ్రం చేసుకోవాలి. ఒక గ్లాసు నీటిలో ఈ ఆకులను వేసి రాత్రంతా ఫ్రిజ్‌లో ఉంచాలి. మెరుగైన ఫలితాల కోసం ఇందులో కొన్ని తులసి ఆకులను కూడా కలపవచ్చు. మరుసటి రోజు ఉదయాన్నే ఆ నీటిని వడకట్టి ముఖం కడుక్కోవాలి.
తరచూ మొటిమలు వచ్చే వారికి ఇది అద్భుతమైన హోమ్ రెమెడీ.
లవంగాలు, అతిమధురం నీరు – నల్లమచ్చల నివారణకు
ముఖంపై ఉండే మొటిమల మచ్చలు, పిగ్మెంటేషన్ తగ్గించుకోవడానికి లవంగాలు, అతిమధురం కాంబినేషన్ చక్కగా పనిచేస్తుంది. ఒక పాత్రలో నీరు తీసుకుని అందులో కొన్ని లవంగాలు, కొద్దిగా అతిమధురం పొడి లేదా ముక్కలు వేసి రాత్రంతా మూతపెట్టి ఉంచాలి. ఉదయం నీటిని వడకట్టి ముఖం కడుక్కోవాలి. ఈ నీరు కళ్లలోకి పోకుండా జాగ్రత్త వహించాలి.
మంజిష్ట, గులాబీ రేకుల నీరు – సహజ గ్లో కోసం
చర్మం కాంతివంతంగా, తాజాగా కనిపించాలనుకునే వారికి మంజిష్ట, గులాబీ రేకుల నీరు ఎంతో మేలు చేస్తుంది. శుభ్రమైన నీటిలో కొద్దిగా మంజిష్ట పొడి, తాజా గులాబీ రేకులను వేసి రాత్రంతా నానబెట్టాలి. ఉదయాన్నే నీటిని వడకట్టి దాంతో ముఖాన్ని శుభ్రం చేసుకోవాలి. ఇది చర్మానికి తక్షణ తాజాదనాన్ని అందించి, నాచురల్ గ్లో ఇస్తుంది. ఏకాగ్రతతో రోజూ ఈ సహజ పద్ధతులను పాటించడం వల్ల ఎటువంటి సైడ్ ఎఫెక్ట్స్ లేకుండా ముఖాన్ని అందంగా, ఆరోగ్యంగా మార్చుకోవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..