20 ఏళ్లలా కనిపించాలా? 40+ వయసులోనూ గ్లోయింగ్ స్కిన్ కోసం బెస్ట్ కొల్లాజెన్ డ్రింక్స్..
40 ఏళ్ల వయసు దాటిన తర్వాత ముఖంపై ముడతలు రావడం, చర్మం సాగిపోవడం వంటి మార్పులు సహజం. దీనికి ప్రధాన కారణం శరీరంలో కొల్లాజెన్ అనే ప్రోటీన్ లోపించడమే. చర్మాన్ని మళ్లీ యవ్వనంగా, మృదువుగా మార్చడానికి కొల్లాజెన్ డ్రింక్స్ అద్భుతంగా సహాయపడతాయి. ఎటువంటి కెమికల్స్ లేని సహాజ కొల్లాజెన్ డ్రింక్స్ ఏంటో వివరంగా తెలుసుకుందాం..
వయసు పెరగడం అనేది ఒక సహజమైన ప్రక్రియ. అయితే, ముఖ్యంగా మహిళల్లో 40 ఏళ్ల వయసు దాటిన తర్వాత చర్మంలో స్పష్టమైన మార్పులు కనిపిస్తాయి. ముఖంపై ముడతలు (Wrinkles), ఫైన్ లైన్స్ రావడం, చర్మం తన బిగుతును కోల్పోయి సాగిపోవడం జరుగుతుంది. దీనికి అసలు కారణం శరీరంలోని కొల్లాజెన్ (Collagen) అనే కీలకమైన ప్రోటీన్ ఉత్పత్తి తగ్గిపోవడమే. కొల్లాజెన్ చర్మాన్ని యవ్వనంగా, బిగుతుగా ఉంచడంలో సహాయపడుతుంది. 40 ఏళ్ల తర్వాత చర్మ సౌందర్యాన్ని కాపాడుకోవడానికి డైట్లో చేర్చుకోవాల్సిన కొన్ని ఉత్తమమైన కొల్లాజెన్ డ్రింక్స్, సహజ రసాల గురించి ఇప్పుడు తెలుసుకుందాం.
కొల్లాజెన్ పెంచే ఉత్తమ పానీయాలు:
సిట్రస్ ఫ్రూట్ జ్యూస్ (నారింజ, నిమ్మరసం): శరీరంలో కొల్లాజెన్ ఉత్పత్తి అవ్వడానికి విటమిన్-సి (Vitamin C) ఎంతో అవసరం. కాబట్టి ప్రతిరోజూ ఉదయం నిమ్మరసం లేదా నారింజ రసం వంటి సిట్రస్ పానీయాలు తీసుకోవడం వల్ల చర్మ కణాలు పునరుజ్జీవింపబడతాయి. ఇవి చర్మానికి సహజమైన గ్లోను అందిస్తాయి.
బెర్రీస్ స్మూతీస్ (Berry Smoothies): స్ట్రాబెర్రీ, బ్లూబెర్రీస్ వంటి పండ్లలో యాంటీఆక్సిడెంట్లు, విటమిన్-సి చాలా ఎక్కువగా ఉంటాయి. ఇవి చర్మాన్ని దెబ్బతీసే ఫ్రీ రాడికల్స్తో పోరాడుతా. కొల్లాజెన్ సింథసిస్ను వేగవంతం చేస్తాయి. వీటిని స్మూతీలా చేసుకుని తాగడం వల్ల చర్మం మృదువుగా మారుతుంది.
గ్రీన్ టీ (Green Tea): గ్రీన్ టీలో ఉండే పాలిఫెనాల్స్, యాంటీఆక్సిడెంట్లు చర్మంలోని కొల్లాజెన్ విచ్ఛిన్నం కాకుండా రక్షిస్తాయి. ఇది చర్మంపై ముడతలు పడకుండా వృద్ధాప్య ఛాయలను ఆలస్యం చేస్తుంది.
బోన్ బ్రాత్ (Bone Broth): నాన్-వెజ్ తినేవారికి బోన్ బ్రాత్ ఎముకల సూప్ అనేది కొల్లాజెన్కు అత్యంత జీవ లభ్యత కలిగిన (Bioavailable) సహజ వనరు. ఇందులో ఉండే అమైనో ఆమ్లాలు చర్మం, కీళ్లు, జుట్టు ఆరోగ్యానికి అద్భుతంగా మేలు చేస్తాయి.
మార్కెట్ కొల్లాజెన్ డ్రింక్స్ వాడొచ్చా?: ప్రస్తుతం మార్కెట్లో పౌడర్, లిక్విడ్ రూపంలో రకరకాల కొల్లాజెన్ సప్లిమెంట్ డ్రింక్స్ లభిస్తున్నాయి. ఇవి చర్మాన్ని లోపలి నుండి హైడ్రేట్ చేసి, స్థితిస్థాపకతను (Elasticity) మెరుగుపరుస్తాయి. అయితే, ఇటువంటి సప్లిమెంట్లను మీ దినచర్యలో చేర్చుకునే ముందు ఒకసారి స్కిన్ స్పెషలిస్ట్ (Dermatologist) లేదా డైటీషియన్ను సంప్రదించడం మంచిది.
40 ఏళ్ల తర్వాత కేవలం పైన రాసే క్రీములపైనే కాకుండా, లోపలి ఆరోగ్యానికి ప్రాధాన్యత ఇవ్వాలి. సరైన కొల్లాజెన్ డ్రింక్స్తో పాటు రోజుకు 3 లీటర్ల నీరు తాగడం, పచ్చని కూరగాయలు తినడం వల్ల మీ చర్మం ఎల్లప్పుడూ కాంతివంతంగా, యవ్వనంగా మెరుస్తుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..