Get Rid of Prickly Heat: చెమట కాయలతో చిరాకు వస్తుందా.. ఇలా చేస్తే రిలీఫ్ దొరుకుతుంది..
వేసవిలో ఇబ్బంది పెట్టే సమస్యల్లో చెమట కాయలు కూడా ఒకటి. చెమట కాయలు వస్తే మంటగా, దురదగా అనిపిస్తుంది. సరిగ్గా నిద్ర కూడా పట్టదు. ఏ పని చేయాలన్నా ఇబ్బందిగా, చిరాకుగా ఉంటుంది. వేసవిలో ఎండ కన్నా.. ఈ చెమట కాయలకే జనం భయపడి పోతూ ఉంటారు. అందులోనూ చిన్న పిల్లలు అయితే ఏడుస్తూ ఉంటారు. తేమతో కూడిన వాతావరణంలో నివసించే వారు ఈ సమస్యతో ఎక్కువగా ఇబ్బంది పడతారు. శరీరంపై ఉండే శ్వేద గ్రంథులు మూసుకుపోతే..
వేసవిలో ఇబ్బంది పెట్టే సమస్యల్లో చెమట కాయలు కూడా ఒకటి. చెమట కాయలు వస్తే మంటగా, దురదగా అనిపిస్తుంది. సరిగ్గా నిద్ర కూడా పట్టదు. ఏ పని చేయాలన్నా ఇబ్బందిగా, చిరాకుగా ఉంటుంది. వేసవిలో ఎండ కన్నా.. ఈ చెమట కాయలకే జనం భయపడి పోతూ ఉంటారు. అందులోనూ చిన్న పిల్లలు అయితే ఏడుస్తూ ఉంటారు. తేమతో కూడిన వాతావరణంలో నివసించే వారు ఈ సమస్యతో ఎక్కువగా ఇబ్బంది పడతారు. శరీరంపై ఉండే శ్వేద గ్రంథులు మూసుకుపోతే.. చెమట పొక్కుల్లా మారి ఉండి పోతుంది. మరి ఈ చెమట కాయలను ఎలా తగ్గించాలి? ఏం చేస్తే వీటి నుంచి ఉపశమనం లభిస్తుందన్న విషయాలు ఇప్పుడు తెలుసుకుందాం.
చెమట కాయలను తగ్గించుకునేందుకు పరిష్కారాలు:
చల్లటి వాతావరణంలో ఉండండి:
శరీరానికి ఎక్కువగా చెమట పడితేనే.. చెమట కాయలు వచ్చే అవకాశాలు ఉన్నాయి. కాబట్టి చెమట పట్టకుండా చల్లటి వాతావరణంలో ఉండేందుకు ప్రయత్నించండి.
చన్నీటి స్నానం మేలు:
చెమట కాయలను తగ్గించుకోవాలంటే.. చన్నీటితో స్నానం చేయాలి. రోజుకు మూడు నుంచి నాలుగు సార్లు చేసినా పర్వాలేదు. దీంతో శరీరం చల్లబడుతుంది. దీంతో చెమట కాయలు తగ్గుతాయి. అయితే స్నానం చేసేటప్పుడు సబ్బును తక్కువగా ఉపయోగించాలి.
కాటన్ దుస్తులు ధరించండి:
ఎండ నుంచి చెమట కాయల నుంచి ఉపశమనం పొందాలంటే పలుచని కాటన్ వస్త్రాలు ధరించడం మంచిది. దీని వల్ల చెమట కాయలు వచ్చే అవకాశం తక్కువగా ఉంటుంది.
ఇవి ఉపయోగించండి:
చెమట కాయల్ని తగ్గించుకోవాలంటే.. క్యాలమిన్ లోషన్ లేదా జింక్ ఆక్సైడ్ ఉపయోగించండి. చెమట కాయలు తగ్గేందుకు ట్రోపికల్ కార్టికో స్టెరాయిడ్స్ లేదా ట్రోపికల్ యాంటీ బయోటిక్స్ కూడా చెమట కాయల్ని తగ్గించేందుకు హెల్ప్ చేస్తాయి.
కర్పూరం – కొబ్బరి నూనె:
చెమట ఎక్కువగా పట్టకుండా ఉండాలన్నా.. చెమట కాయలు తగ్గాలన్నా.. కొబ్బరి నూనెలో కర్పూరం కలిపి శరీరం అంతా మర్దాన చేయండి. ఇలా చేయడం వల్ల వేడి, చెమట కాయల నుంచి ఉపశమనం లభిస్తుంది.
వేపాకుల స్నానం:
వేప ఆకుల్ని నీటిలో బాగా మరిగించి.. వాటిని నీటిలో కలిపి స్నానం చేయడం వల్ల చెమట కాయల నుంచి ఉపశమనం లభిస్తుంది.
అలోవెరా జెల్:
అదే విధంగా చెమట కాయల నుంచి ఉపశమనం పొందాలంటే.. కలబందను తరచూ రాస్తూ ఉండండి. ఇలా చేస్తే.. చెమట కాయల నుంచి రిలీఫ్ పొందుతారు.
NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.
మరిన్ని లైఫ్ స్టైల్ న్యూస్ కోసం క్లిక్ చేయండి..