మిక్సీ సరిగ్గా పనిచేయడం లేదా.. మెకానిక్ దగ్గరికి వెళ్లే ముందు ఈ చిన్న ట్రిక్ ట్రై చేయండి..
మిక్సీ జార్ బ్లేడ్లు మొద్దుబారిపోయి.. చట్నీలు, మసాలాలు సరిగ్గా నలగడం లేదా.. ప్రతి చిన్నదానికి మెకానిక్ షాప్కు పరిగెడుతున్నారా లేదా జార్ మార్చేస్తున్నారా? అయితే ఒక్క నిమిషం ఆగండి.. రూపాయి ఖర్చు లేకుండా, మీ వంటగదిలో ఉండే కేవలం ఒకే ఒక్క పదార్థంతో మొద్దుబారిన మిక్సీ బ్లేడ్లను మళ్లీ కత్తిలా పదును పెట్టవచ్చు.
వంటగదిలో ఎక్కువగా ఉపయోగించే ఎలక్ట్రానిక్ ఉపకరణాలలో మిక్సర్లు, గ్రైండర్లు చాలా ముఖ్యమైనవి. చట్నీలు, మసాలాలు, సాంబార్ పొడులు వంటి రకరకాల ఆహార పదార్థాలను రుబ్బడానికి మనం వీటిని ప్రతిరోజూ ఉపయోగిస్తాము. అయితే నిరంతర ఉపయోగం వల్ల కాలక్రమేణా మిక్సర్ బ్లేడ్లు మొద్దుబారిపోతుంటాయి. దీనివల్ల మనం ఎంత రుబ్బినా పదార్థాలు మెత్తగా అవ్వవు, పైగా మిక్సీ మోటారుపై తీవ్ర ఒత్తిడి పడి అది పాడయ్యే ప్రమాదం ఉంది. మీ పని కూడా ఆలస్యం అవుతుంది. సాధారణంగా మిక్సర్ జార్ మొద్దుబారితే మనమందరం దానిని మెకానిక్ వద్దకు తీసుకువెళ్తాం లేదా జార్ను మార్చేస్తుంటాము. కానీ రూపాయి ఖర్చు లేకుండా ఇంట్లో ఉండే ఒకే ఒక్క పదార్థంతో మొద్దుబారిన బ్లేడ్ను మళ్లీ కత్తిలా పదును పెట్టవచ్చని మీకు తెలుసా? ఆ సింపుల్ ట్రిక్ ఏంటో ఇప్పుడు చూద్దాం..
ద్రావణం ఉప్పులోనే ఉంది..
మిక్సీ బ్లేడ్లను పదును పెట్టడానికి మన ఇంట్లో ఉండే ఉప్పు అద్భుతంగా పనిచేస్తుంది. అయితే, దీనికోసం మనం రోజూ వాడే మెత్తటి ఉప్పు పొడిని కాకుండా కల్లు ఉప్పు ఉపయోగించాలి. రాతి ఉప్పు ఒక అద్భుతమైన స్క్రబ్బర్గా పనిచేస్తూ, బ్లేడులను సహజంగానే పదును పెడుతుంది.
రాతి ఉప్పును ఎలా ఉపయోగించాలి?
- మొదట మొద్దుబారిన మిక్సీ జార్ను తీసుకోండి.
- అందులోని బ్లేడ్ పూర్తిగా మునిగిపోయేంత వరకు రాతి ఉప్పును వేయాలి.
- అనంతరం జార్ మూతను గట్టిగా మూసి, మిక్సీపై పెట్టండి.
- మిక్సీని నిరంతరాయంగా తిప్పకుండా.. మధ్య మధ్యలో ఆపుతూ ఆన్ చేయాలి.
చివరగా ఒక రెండు నిమిషాల పాటు హై స్పీడ్లో మిక్సీని రన్ చేయాలి. దీనివల్ల లోపల ఉన్న ఉప్పు పూర్తిగా మెత్తటి పొడిగా మారుతుంది.
కత్తిలా పదును మాత్రమే కాదు.. మురికి కూడా క్లీన్..
ఈ ప్రాసెస్ చేస్తున్నప్పుడు రాతి ఉప్పు ఘర్షణ వల్ల బ్లేడ్లు కత్తిలా పదునుగా మారతాయి. అంతేకాదు జార్ లోపల, బ్లేడ్ల కింద పేరుకుపోయిన నలుపు, జిడ్డు, మురికి కూడా ర్తిగా మాయమై జార్ సరికొత్తగా మెరుస్తుంది.
అల్యూమినియం ఫాయిల్తో మరో ట్రిక్
ఒకవేళ మీ ఇంట్లో రాతి ఉప్పు అందుబాటులో లేకపోతే.. దానికి ప్రత్యామ్నాయంగా అల్యూమినియం ఫాయిల్ ఉపయోగించవచ్చు.
- అల్యూమినియం ఫాయిల్ను చిన్న చిన్న ముక్కలుగా కట్ చేసి మిక్సీ జార్లో వేయాలి.
- ఒక నిమిషం పాటు హై స్పీడ్లో బ్లెండ్ చేయాలి.
- ఫాయిల్ ముక్కలకు, బ్లేడ్లకు మధ్య జరిగే ఘర్షణ వల్ల బ్లేడ్ల మొద్దుబారిన అంచులు మళ్లీ పదునుగా తయారవుతాయి.
జార్ క్లీనింగ్ చాలా ముఖ్యం
బ్లేడ్లు పదును పెట్టడం పూర్తయిన తర్వాత జార్ను శుభ్రం చేసుకోవడం మరువకూడదు. మిక్సీ పట్టిన ఉప్పును పారేయకుండా వేరే డబ్బాలో పెట్టుకుని తిరిగి వాడుకోవచ్చు.
- జార్ నుండి ఉప్పు లేదా ఫాయిల్ ముక్కలను తీసేసిన తర్వాత.. కొద్దిగా నీరు, డిష్వాషింగ్ జెల్ వేసి మిక్సీని ఒక్కసారి రన్ చేయాలి.
- ఆ తర్వాత జార్ను మంచి నీటితో శుభ్రంగా కడగాలి.
- కడిగిన వెంటనే జార్ను బోర్లించి ఉంచాలి.
- జార్ పూర్తిగా ఆరిన తర్వాతే అరలో భద్రపరచుకోవాలి. ఎందుకంటే బ్లేడ్లు తడిగా ఉంటే తుప్పు పట్టే అవకాశం ఎక్కువగా ఉంటుంది.