వార్నీ.. ఇన్ని రోజులు ఇంత పెద్ద తప్పు చేశామా.. జుట్టుకు సబ్బు పెడితే ఏం జరుగుతుందో తెలుసా?
అయ్యో షాంపూ అయిపోయిందే.. ఒక్కసారేగా అని ఒంటికి వాడే సబ్బుతో తలస్నానం చేసేస్తున్నారా? అత్యవసర సమయంలో మనలో చాలామంది చేసే అతిపెద్ద పొరపాటు ఇది. కేవలం ఒక్కసారి సబ్బుతో తల రుద్దినా సరే.. అది మీ జుట్టు ఆరోగ్యాన్ని తీవ్రంగా దెబ్బతీస్తుందని చర్మవ్యాధి నిపుణులు హెచ్చరిస్తున్నారు. అసలు బాడీ సోప్తో తలస్నానం చేస్తే ఏం జరుగుతుంది? అనేది తెలుసుకుందాం..
అత్యవసర సమయంలోనో లేదా షాంపూ అందుబాటులో లేనప్పుడో చాలామంది బాడీ సోప్ తో తలస్నానం చేస్తుంటారు. రోజువారీ జీవితంలో ఇది చాలామంది చేసే సర్వసాధారణమైన పొరపాటు. అయితే, శరీర చర్మానికి వాడే సబ్బును జుట్టుకు ఉపయోగించడం వల్ల జుట్టు ఆరోగ్యం దారుణంగా దెబ్బతింటుందని సౌందర్య, చర్మవ్యాధి నిపుణులు హెచ్చరిస్తున్నారు. అసలు బాడీ సోప్తో తలస్నానం చేస్తే ఏం జరుగుతుంది? అనేది అందరూ తెలుసుకోవాలి.
బాడీ సోప్ – షాంపూ మధ్య తేడా ఏంటి?
మన చర్మం, జుట్టు రెండింటి అవసరాలు వేర్వేరుగా ఉంటాయి.
పీహెచ్ బ్యాలెన్స్: మన మామిడికాయ లేదా తల చర్మం సహజ పీహెచ్ స్థాయి సాధారణంగా ఆమ్లంగా గా ఉంటుంది. షాంపూలు ఈ పీహెచ్ స్థాయిని కాపాడేలా తయారవుతాయి. కానీ బాడీ సోప్లు ఆల్కలైన్ కలిగి ఉంటాయి. సబ్బు వాడటం వల్ల తలలోని పీహెచ్ సమతుల్యత దెబ్బతింటుంది.
సహజ నూనెలు మాయం: బాడీ సోప్స్లో ఉండే ఘాటైన రసాయనాలు, సువాసన ద్రవ్యాలు తలలోని సహజమైన సెబమ్ పూర్తిగా తుడిచిపెట్టేస్తాయి. దీనివల్ల జుట్టు తీవ్రంగా పొడిబారిపోతుంది.
సోప్తో తలస్నానం చేయడం వల్ల కలిగే దుష్ప్రభావాలు.
జుట్టు విరిగిపోవడం, ఊడిపోవడం: సబ్బు వాడటం వల్ల వెంట్రుకలు డ్రైగా మారి, త్వరగా చిట్లిపోయి రాలిపోతాయి.
మందకొడిగా మారడం: సబ్బులోని రసాయనాల వల్ల జుట్టు తన సహజ మెరుపును కోల్పోయి కాంతిహీనంగా తయారవుతుంది.
చుండ్రు – దురద: మామిడికాయ పొడిబారడం వల్ల చుండ్రు పెరగడమే కాకుండా తలలో తీవ్రమైన దురద, ఇన్ఫెక్షన్లు వచ్చే ప్రమాదం ఉంది.
జుట్టు చిక్కు పడటం: సబ్బు మిగిల్చే అవశేషాలు జుట్టుపై ఒక పొరలా పేరుకుపోయి వెంట్రుకలను గట్టిగా, చిక్కుపడేలా చేస్తాయి.
ఒకవేళ షాంపూ లేకపోతే ప్రత్యామ్నాయం ఏంటి?
అత్యవసర పరిస్థితుల్లో షాంపూ లేకపోతే సబ్బుకు బదులుగా ఈ క్రింది సురక్షితమైన ప్రత్యామ్నాయాలను ఎంచుకోవచ్చని నిపుణులు సూచిస్తున్నారు.
బేబీ షాంపూ: ఇది మైల్డ్గా ఉండి తలలోని సహజ నూనెలను దెబ్బతీయదు.
సికకాయ్: సాంప్రదాయకమైన కుంకుడుకాయలు లేదా సీకాయ పొడితో తలస్నానం చేయడం అత్యంత సురక్షితం.
కండిషనర్ వాడటం: కేవలం కండిషనర్తో జుట్టును శుభ్రం చేసుకోవడం కూడా తాత్కాలికంగా మంచి పరిష్కారం.
డ్రై షాంపూ: అత్యవసరంగా బయటకు వెళ్లాల్సి వస్తే డ్రై షాంపూ లేదా కొద్దిగా బేబీ పౌడర్ ఉపయోగించి జుట్టులోని జిడ్డును తొలగించవచ్చు.
మీ జుట్టు ఒత్తుగా, ఆరోగ్యంగా, మెరుస్తూ ఉండాలంటే ఎలాంటి పరిస్థితుల్లోనూ బాడీ సోప్ను తలకు ఉపయోగించకపోవడమే మంచిదని నిపుణులు స్పష్టం చేస్తున్నారు.