పామాయిల్‌తో వండిన ఆహారం తింటే ఏమౌతుంది..? గుండె ఆరోగ్యం గురించి నిపుణులు ఏం చెబుతున్నారంటే..
బహిరంగ మార్కెట్లో లభించే బిస్కట్లు, చిప్స్, బేకరీ ఆహార పదార్థాలలో పామాయిల్‌ విస్తృతంగా ఉపయోగించబడుతుంది. అయితే పామాయిల్‌ ఆరోగ్యాకి హానికరమనే అపోహ చాలామందిలో ఉంది. పామాయిల్‌ చెట్ల పండ్ల నుంచి లభించే ఈ నూనెలో విటమిన్ ఇ, యాంటీ ఆక్సిడెంట్లు పుష్కలంగా ఉంటాయి. ఇందులో కొంచెం సంతృప్త కొవ్వు ఎక్కువగా ఉన్నప్పటికీ, దీనిని మితంగా వాడితే ఎటువంటి హాని కలగదని పోషకాహార నిపుణులు స్పష్టం చేస్తున్నారు.
ప్రస్తుతం మనం కొనుగోలు చేసే బిస్కట్లు, చిప్స్, బేకరీ తినుబండారాల నుంచి హోటల్ వంటకాల వరకు ప్రతిచోటా పామాయిల్‌ ప్రధాన భాగంగా మారింది. అయితే, పామాయిల్‌ ఆరోగ్యానికి అత్యంత ప్రమాదకరమని, గుండె జబ్బులకు దారితీస్తుందని చాలామంది ఆందోళన చెందుతుంటారు. నిజంగానే పామాయిల్‌ మన ఆరోగ్యానికి అంత చెడ్డదా? దీని వెనుక ఉన్న వాస్తవాలు ఏమిటో ప్రముఖ పోషకాహార నిపుణులు వివరించిన వివరాలు ఇక్కడ తెలుసుకుందాం.
పామ్‌ అంటే ఏమిటి? దాని ప్రత్యేకతలు:
పానీరపు చెట్ల పండ్ల నుంచి తీసే ఈ సహజ నూనెలో విటమిన్-ఇ, యాంటీ ఆక్సిడెంట్లు సమృద్ధిగా ఉంటాయి. ఇది ఎక్కువ ఉష్ణోగ్రతలను సైతం తట్టుకునే గుణం కలిగి ఉండటం వల్ల వేయించే పదార్థాలకు ఎక్కువగా ఉపయోగిస్తారు. అయితే ఇందులో సంతృప్త కొవ్వు కొంచెం ఎక్కువగా ఉండటం వల్ల, ఇది శరీరంలో కొలెస్ట్రాల్ స్థాయిలను స్వల్పంగా ప్రభావితం చేసే అవకాశం ఉంది.
పామాయిలా లేక జంక్ ఫుడ్డా అసలు సమస్య?
ఇంటి వంటకాల్లో పరిమితంగా వాడే పామాయిల్‌ వల్ల పెద్దగా నష్టం ఉండదు. కానీ, రోజూవారీ జీవితంలో పామాయిల్‌తో తయారు చేసిన వేయించిన చిప్స్, జంక్ ఫుడ్, నిల్వ ఉంచిన పదార్థాలను అధికంగా తినడమే అసలైన ముప్పు అని నిపుణులు హెచ్చరిస్తున్నారు. మధుమేహం లేదా గుండె జబ్బులు రావడానికి కేవలం పామాయిల్‌ మాత్రమే కారణం కాదు. ధూమపానం, వ్యాయామం లేకపోవడం, ఊబకాయం వంటి అనేక అంశాలు దీనికి తోడవుతాయి.
నూనెలను మార్చి వాడటం ఉత్తమం:
ప్రపంచంలో నూటికి నూరు శాతం పరిపూర్ణమైన నూనె అంటూ ఏదీ లేదు. ప్రతి నూనెలోనూ దానికంటూ కొన్ని ప్రత్యేక గుణాలుంటాయి. ఉదాహరణకు వేరుశెనగ నూనె, మంచి నూనె, తవుడు నూనె లేదా సూర్యకాంతి నూనెలను ఎప్పటికప్పుడు మార్చి వంటల్లో ఉపయోగిస్తే శరీరానికి అన్ని రకాల పోషకాలు అందుతాయి.
పాటించాల్సిన ముఖ్యమైన నియమాలు:
ఒకసారి వేడి చేసిన నూనెను మళ్లీ మళ్లీ వేడి చేసి వాడకూడదు. ఇది నూనెను విషపూరితం చేస్తుంది. నూనె వినియోగాన్ని వీలైనంత వరకు తగ్గించడం మంచిది. గుండె సంబంధిత సమస్యలు, కొలెస్ట్రాల్ లేదా మధుమేహం ఉన్నవారు వైద్యుల సలహా మేరకు తగిన జాగ్రత్తలు తీసుకోవాలి.
పామాయిల్‌ అనేది అమృతం కాదు అలా అని పూర్తిగా విషమూ కాదు. దానిని ఎంత మోతాదులో వాడతామనేదే ముఖ్యం. అనారోగ్యకరమైన జీవనశైలిని మార్చుకుని, సమతుల్య ఆహారాన్ని తీసుకుంటే ఎలాంటి నూనె వాడుతున్నామనేదంతో సంబంధం లేకుండా ఆరోగ్యంగా ఉండవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..