White Bread vs Brown Bread: బ్రౌన్ బ్రెడ్ నిజంగా ఆరోగ్యకరమైనదేనా?.. ఆరోగ్య నిపుణులు ఏం చెబుతున్నారంటే..

White Bread Vs Brown Bread

White Bread vs Brown Bread: ప్రపంచ వ్యాప్తంగా బ్రెడ్‌ చాలా మంది చాలా రకాలుగా ఉపయోగింస్తున్నారు. టీతో పాటుగా బ్రెడ్‌, టోస్ట్ తినేవాళ్లు, జామ్‌తో తినేవాళ్లు, బ్రెడ్ శాండ్ విచ్, బ్రెడ్ డంప్లింగ్ ఇలా ఎన్నో రకాలుగా బ్రెడ్ తింటారు.. అదే సమయంలో ఫిట్ నెస్ గురించి ఎక్కువగా ఆలోచిస్తున్నారు. కాబట్టి ప్రజలు ఫిట్‌గా, ఆరోగ్యంగా ఉండటానికి వైట్ బ్రెడ్‌కు బదులుగా బ్రౌన్ బ్రెడ్ తినడానికి ప్రాధాన్యత ఇస్తారు. మైదా నుండి వైట్ బ్రెడ్ తయారు చేస్తారు. కాబట్టి ఫిట్‌నెస్‌ గురించి ఆలోచించేవారు బ్రౌన్ బ్రెడ్ తినడానికి ఇష్టపడతారు. అయితే దీని వెనుక ఉన్న సందేహం ఏంటంటే… ఇంత ఆరోగ్యకరమైన బ్రౌన్ బ్రెడ్ నిజంగా ఆరోగ్యానికి మంచిదా..? కాదా…. నిజం ఏంటో తెలుసుకుందాం.

వైట్ బ్రెడ్ శుద్ధి చేసిన పిండి అంటే మైదాతో తయారు చేస్తారు. గోధుమ బ్రెడ్‌, అనేక ఇతర ధాన్యాలు కలపడం ద్వారా తయారు చేస్తారు. పోషకాహారం విషయానికి వస్తే.. ఇందులో ఫైబర్, కార్బోహైడ్రేట్లు, చక్కెర, ప్రోటీన్ మొదలైనవి ఉంటాయి. అయితే, ఇది దాని నాణ్యతపై ఆధారపడి ఉంటుంది. అయితే బ్రౌన్ బ్రెడ్ తినడం నిజంగా ఆరోగ్యానికి మంచిదా? కాదా.. ? అన్న విషయానికి వస్తే..బ్రౌన్ బ్రెడ్ ఆరోగ్యకరమైనదిగా పరిగణించబడుతుంది. కానీ, కొన్నిసార్లు ఇందులో పిండి, రంగు, చక్కెర, అనేక ఇతర సంరక్షకాలను కలిగి ఉంటుంది. అదేమిటంటే బజారులో బ్రెడ్ రంగు చూసి కొనకండి. ఎందుకంటే ఇది మైదా నుంచి తయారయ్యే అవకాశం ఎక్కువ.

బ్రౌన్ బ్రెడ్‌లో ప్రసిద్ధ బ్రాండ్‌ను తీసుకునే ముందు దాని ప్యాకెట్ వెనుక రాసి ఉన్న పదార్థాలను ఒకసారి చదవండి. బ్రౌన్ బ్రెడ్‌లో ఏ పిండి ఉంటుంది? ఇది గింజలతో తయారు చేయబడిందా? మీరు దాన్ని తనిఖీ చేయండి. ఎందుకంటే వైట్ బ్రెడ్ అంటే మైదా బ్రెడ్ కంటే చాలా సార్లు ఈ రొట్టెలు ఆరోగ్యానికి హానికరం. అధ్యయనాల ప్రకారం, తృణధాన్యాలు తినడం వల్ల శరీరంలో ఫైబర్ లోపాన్ని అధిగమించడమే కాకుండా, ఫైబర్ కారణంగా, మీ జీర్ణవ్యవస్థ కూడా మెరుగ్గా ఉంటుంది. ఇది మీ కొలెస్ట్రాల్‌ను అదుపులో ఉంచడంలో సహాయపడుతుంది. తృణధాన్యాల రొట్టె ఒకటి నుండి రెండు సేర్విన్గ్స్ రోజూ తినవచ్చు. కానీ బ్రౌన్ బ్రెడ్ చూడటానికి నిజంగా ఆరోగ్యకరమైనది.

ఈ రోజుల్లో బ్రౌన్ బ్రెడ్ మార్కెట్ చాలా ఎక్కువగా ఉంది. ఫిట్‌నెస్ ఫ్రీక్స్ వైట్‌కి బదులుగా బ్రౌన్ బ్రెడ్‌ను ఇష్టపడుతున్నారు. చాలా సార్లు ప్రజలు అల్పాహారంగా కూడా తింటారు. అయితే, కానీ, వైట్‌కు బదులుగా బ్రౌన్ బ్రెడ్ తీసుకుంటే, అది మీ ఆరోగ్యానికి హానికరం. ఎందుకంటే.. బ్రౌన్ కలర్ ఆరోగ్యానికి హానికరం. నిజానికి బ్రౌన్ బ్రెడ్‌ను మెరిసేలా, బ్రౌన్‌గా మార్చడానికి తరచుగా కృత్రిమ రంగులు వాడుతుంటారు. ఇలాంటివి ఆరోగ్యానికి హానికరం.

మరిన్ని లైఫ్ స్టైల్ న్యూస్ కోసం క్లిక్ చేయండి..