ఓ గుప్పెడు చాలు.. రోజూ బాదం తింటే ఏం జరుగుతుందో తెలుసా..? అమేజింగ్ అంతే
ప్రస్తుత కాలంలో అనేక అనారోగ్య సమస్యలు చుట్టుముడుతున్నాయి.. అందుకే.. ఈరోజుల్లో ప్రజలు తమ ఆరోగ్యం పట్ల మునుపటి కంటే ఎక్కువ శ్రద్ధచూపుతున్నారు. ముఖ్యంగా తమ జీవనశైలి, ఆహారపు అలవాట్లను మెరుగుపరుకోవడంలో ఎలాంటి అవకాశాన్ని వదిలిపెట్టడం లేదు..
Almonds
బాదం ను 'సూపర్ఫుడ్' అని పిలుస్తారు.. వీటిలో ఆరోగ్యానికి మేలు చేసే అనేక పోషకాలు దాగున్నాయి.. బాదంలో విటమిన్ ఇ, ఫోలేట్, ఫైబర్, ప్రోటీన్, ఖనిజాలు పుష్కలంగా ఉన్నాయి.. అదనంగా, బాదంలో మోనోశాకరైడ్లు ఉంటాయి.. ఇవి గుండె జబ్బుల ప్రమాదాన్ని తగ్గించడంలో సహాయపడతాయి. అందుకే.. అనేక ప్రయోజనాలను అందించే బాదంను తినాలని నిపుణులు సూచిస్తారు.
మీ మెదడు చురుకుగా మారుతుంది: మీరు ప్రతిరోజూ కొన్ని బాదం పప్పులను తీసుకుంటే మెదడు చురుకుగా మారుతుంది. మెదడు పనితీరును మెరుగుపరచడంలో సహాయపడే కొన్ని పోషకాలు ఈ డ్రై ఫ్రూట్స్లో ఉంటాయి. దీని వల్ల మీ ఆలోచనా సామర్థ్యం.. మానసిక ఆరోగ్యం మెరుగుపడతాయి.
శరీరానికి శక్తినిస్తాయి: మీరు రోజంతా పని చేసి, మీ ఆరోగ్యాన్ని జాగ్రత్తగా చూసుకోలేకపోతే.. బాదంతో మీరు పుష్కలంగా శక్తి పొందవచ్చు.. ప్రతిరోజూ ఒక గుప్పెడు బాదంపప్పులను తీసుకోవడం వల్ల మీకు చాలా ఉపయోగకరంగా ఉంటుంది. ఇది మీ శక్తిని పెంచుతుంది.. ఇంకా అలసటను తగ్గిస్తుంది.
దీన్ని గుర్తుంచుకోండి: బాదం మన ఆరోగ్యానికి చాలా ఉపయోగకరంగా ఉంటుంది అనడంలో ఎటువంటి సందేహం లేదు.. అయితే దానిని ఎక్కువగా తినకూడదు.. అలా తింటే బాదం ప్రతికూల ప్రభావాలను కలిగిస్తుంది. బాదంపప్పులో ఉండే కొవ్వు స్థూలకాయాన్ని పెంచుతుంది. వేసవిలో ఎక్కువగా తింటే హాని కలుగుతుంది. అందుచేత, మీరు ప్రతిరోజూ ఒక పిడికెడు బాదంపప్పులను మాత్రమే తినడం మంచిది. ఎక్కువ తినవద్దు..