Lauki Soup Recipe: ఈ సీజన్లో త్వరగా జీర్ణం అయ్యే వేడివేడి సొరకాయ సూప్ని తాగండి.. రెసిపీ మీ కోసం
వర్షాకాలంలో రాత్రి సమయంలో ఆహారం బదులుగా వేడి వేడి సూప్ ని తీసుకోవడం వలన కడుపు శుభ్రం అవుతుంది. సూప్ ని తాగడం వలన కడుపు నిండుగా ఉండడమే కాదు.. ఎక్కువ సేపు హైడ్రేటెడ్ గా ఉంటుంది. అందుకనే చాలా మంది కూరగాయలతో రకరకాల సూప్స్ ని ఇష్టపడతారు. అలాంటి సూప్స్ లో ఒకటి సొరకాయ సూప్. ఆనపకాయ త్వరగా జీర్ణం అవుతుంది. క్యాలేరీలు తక్కువగా ఉండడంతో బరువు తగ్గడానికి ప్రయత్నిస్తున్నవారికి మంచి ఫుడ్ సొరకాయ. ఈ రోజు త్వరగా జీర్ణం అవ్వడమే కాదు రోగనిరోధక శక్తిని పెంచే సొరకాయ సూప్ రెసిపీ గురించి తెలుసుకుందాం..
వర్షాకాలం వస్తే చాలు ఒకొక్కసారి భోజనం చేయాలని అనిపించదు. ఏదైనా వేడి వేడి పకోడీలు, మొక్క జొన్న పొత్తులు, బజ్జీలు వంటి ఆహారాన్ని తినాలని కొంతమంది కోరుకుంటారు. అదే సమయంలో కొంతమంది వేడి వేడి సూప్ ని తాగాలని కోరుకుంటారు. వర్షాకాలంలో రాత్రి సమయంలో ఆహారం బదులుగా వేడి వేడి సూప్ ని తీసుకోవడం వలన కడుపు శుభ్రం అవుతుంది. సూప్ ని తాగడం వలన కడుపు నిండుగా ఉండడమే కాదు.. ఎక్కువ సేపు హైడ్రేటెడ్ గా ఉంటుంది. అందుకనే చాలా మంది కూరగాయలతో రకరకాల సూప్స్ ని ఇష్టపడతారు. అలాంటి సూప్స్ లో ఒకటి సొరకాయ సూప్. ఆనపకాయ త్వరగా జీర్ణం అవుతుంది. క్యాలేరీలు తక్కువగా ఉండడంతో బరువు తగ్గడానికి ప్రయత్నిస్తున్నవారికి మంచి ఫుడ్ సొరకాయ. ఈ రోజు త్వరగా జీర్ణం అవ్వడమే కాదు రోగనిరోధక శక్తిని పెంచే సొరకాయ సూప్ రెసిపీ గురించి తెలుసుకుందాం..
సొరకాయ సూప్ తయారీకి కావాల్సిన పదార్థాలు:
- సొరకాయ- మీడియం సైజ్
- ఉల్లిపాయ – ఒకటి
- టమాటాలు- రెండు
- అల్లం – చిన్న ముక్క
- వెల్లుల్లి పేస్ట్ – కొంచెం
- పసుపు – చిటికెడు
- నిమ్మరసం – ఒక స్పూన్
- మిరియాల పొడి- కొద్దిగా
- ఉప్పు- రుచికి సరిపడా
- కారం – కొంచెం
- కొత్తిమీర – కట్ చేసిన
తయారీ విధానం: ముందుగా సోరకాయను శుభ్రం చేసుకుని ముక్కలుగా కట్ చేసుకోవాలి. ఉల్లిపాయను, టమాటాలను కట్ చేసుకుని ఒక్క పక్కకు పెట్టుకోవాలి. ఇప్పుడు స్టవ్ వెలిగించి కుక్కర్ తీసుకుని అందులో కట్ చేసిన సొరకాయ, టమాటా, ఉల్లిపాయ ముక్కలను వేసి అందులో పసుపు, కారం, ఉప్పు వేసి రెండు కప్పుల నీరు వేసి మూడు విజిల్స్ వచ్చే వరకూ ఉడికించుకోవాలి. కుక్కర్ చల్లారిన తర్వాత మూత తీసి ఉడికించిన కూరగాయ ముక్కలను చల్లారబెట్టుకోవాలి. తర్వాత ఆ ముక్కలను మిక్సి పట్టుకోవాలి. ఇప్పుడు ఒక గిన్నె తీసుకుని కుక్కర్ లో ఉన్న కూరగాయలు ఉడికించిన నీళ్లను వేసి స్టవ్ మీద పెట్టుకోవాలి. ఆ నీటిలో మిక్సీ పట్టుకున్న కూరగాయల మిశ్రమం, అల్లం ముక్కలను, వెల్లుల్లి పేస్ట్ వేసుకుని రెండు నిమిషాల పాటు బాగా ఉడికించాలి. తర్వాత అందులో మిరియాల పొడి, కొత్తిమీర వేసుకోవాలి. తర్వాత నిమ్మరసం వేసుకుంటే సొరకాయ సూప్ రెడీ.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..