Health: పిచ్చి ఆకు అనుకునేరు.. రెండే రెండు కూరలో ఒక్కసారి వేస్తే ఇక వదలరు..!
ఇంట్లో వండిన కూరలకు అద్భుతమైన రుచిని అందించేందుకు ఈ ఆకులు పనికొస్తాయి. పిచ్చి ఆకులనుకునేరు.. వీటిల్లో లవంగాలు, యాలకులు, దాల్చిన చెక్క లాంటి అనేక సుగంధ ద్రవ్యాలు ఉన్నాయి. వీటిని సులభంగా ఇంట్లో పెంచుకోవచ్చు. అవేంటో ఈ స్టోరీలో తెలుసుకుందామా మరి..!
ఇంట్లో రోజూ వండిన కూరలు ఎప్పుడూ ఒకేలా ఉన్నాయా.? రుచిలో కొత్తదనం లేదా.? ఎలాంటి మసాలాలు అవసరం లేదు. కూరల్లో కొత్త రుచిని తీసుకొచ్చేందుకు ఈ ఆకులు ఉంటే చాలు.. సరికొత్త రుచిని తీసుకొస్తాయి. ఇంట్లో వండిన వంటకాల్లో ఒక ప్రత్యేకమైన రుచిని, కొత్తదనాన్ని తీసుకొస్తాయి. వాటినే ఆల్ స్పైసెస్ ఆకులు అని అంటారు. సాధారణంగా కూరలు వండేటప్పుడు పుదీనా, కరివేపాకు, బిర్యానీ ఆకు, యాలకులు, దాల్చిన చెక్క, లవంగాలు లాంటి అనేక సుగంధ ద్రవ్యాలను ఉపయోగిస్తాం. అయినప్పటికీ కొన్నిసార్లు కూర రుచి ఆశించిన స్థాయిలో ఉండదు. అలాంటప్పుడు వంటకు ఒక ప్రత్యేకమైన రుచిని అందించడానికి ఈ ఆల్ స్పైసెస్ ఆకులు అద్భుతంగా పనిచేస్తాయి. కేవలం రెండు ఆకులు వేస్తే చాలు, రుచిలో గొప్ప మార్పు వస్తుంది.
ఇది చదవండి: ‘ఆ సినిమా పూర్తయ్యాక.. తారక్.! నాలుగేళ్లు నీ మొహం ఇక చూపించకు అన్నాడు..’
ఈ ఆల్ స్పైసెస్ చెట్టు ఆకుల్లో ఒక ప్రత్యేకమైన లక్షణం ఉంది. ఒక్కో ఆకులో లవంగం, యాలకులు, బే ఆకు, దాల్చిన చెక్క లాంటి అనేక సుగంధ ద్రవ్యాలు కలిసి ఉంటాయి. అవి ప్రత్యేక రుచిని అందిస్తాయి. కూరలు, పప్పులు, కాయధాన్యాలు లేదా మరే ఇతర వంటకమైనా, ఈ ఆకులు వేసిన వెంటనే వాటి రుచి రెట్టింపు అవుతుంది. వంట చేసేటప్పుడు బే ఆకుల స్థానంలో రెండు నుంచి నాలుగు ఆల్ స్పైసెస్ ఆకులు వేస్తే సరిపోతుంది. దీని వల్ల అదనంగా ఎక్కువ మసాలాలు వేయాల్సిన అవసరమే ఉండదు. ఈ ఆకులు వంటకు ప్రత్యేకమైన సువాసనను అందించి, రుచిని మరింతగా పెంచుతాయి. ఈ ఆల్ స్పైసెస్ ట్రీని ఇంట్లోనే చాలా సులభంగా పెంచుకోవచ్చు. ఏదైనా నర్సరీలో ఈ మొక్క లభిస్తుంది. ఇంటి ముందు పెంచుకునే తోటలో లేదా బాల్కనీలో కూడా కుండల్లో ఈ మొక్కలను పెంచుకోవచ్చు.
ఇది చదవండి: అప్పులు కాదు.. మీ ఇంటి నిండా డబ్బులే.! ఈ 8 సూత్రాలు పాటిస్తే మీరే కోటీశ్వరులు..
మరిన్ని ఆరోగ్య కథనాల కోసం క్లిక్ చేయండి.