Winter Health: చలికాలంలో ఒళ్లు నొప్పులు బాధిస్తున్నాయా..? అయితే ఈ చిట్కాలను పాటించండి..

Tips For Avoid Body Pains: చలికాలం వచ్చిందంటే చాలు ఎక్కడ లేని సమస్యలు తీసుకొని వస్తుంది. సాధారణంగా వింటర్‌లో జలుబు, దగ్గు, చర్మ సంబంధిత వ్యాధులు వస్తుంటాయి. అయితే కొందరు చలికాలంలో ఒళ్లు నొప్పులతో బాధపడుతుంటారు. ఉదయం లేవగానే కండరాలు పట్టేయడం, శరీరంలోని కొన్ని భాగాల్లో నొప్పులు వస్తుంటాయి. మరి ప్రతీసారి పెయిన్‌ కిల్లర్‌లు వేసుకోవడం కూడా అంత మంచిది కాదు. కాబట్టి కొన్ని ఇంటి చిట్కాలను పాటించడం ద్వారా ఈ ఒళ్లు నొప్పులకు గుడ్‌బై చెప్పొచ్చు. ఆ చిట్కాలేంటో ఓసారి చూద్దాం..

* ఒళ్లు నొప్పులు దరిచేరకుండా ఉండాలంటే తీసుకునే ఆహారంలో ఫైబర్‌ ఎక్కువగా ఉండేలా చూసుకోవాలని ఆరోగ్య నిపుణులు చెబుతున్నారు. ఫైబర్‌తో కీళ్ల నొప్పులకు చెక్‌ పెట్టవచ్చనేది వైద్యుల సలహ.

* చలికాలంలో దెబ్బలు తగిలితే ఆ బాధ ఎలా ఉంటుందో చెప్పాల్సిన అవసరం లేదు. నొప్పి అంత సులువుగా తగ్గదు… అయితే ఇలాంటి నొప్పికి అల్లంతో చెక్‌ పెట్టొచ్చు. అల్లాన్ని మొత్తగా గ్రైండ్‌ చేసిన ఒక వస్త్రంలో చుట్టి వేడి నీళ్లలో ఒక నిమిషం ఉంచి నీటిని పిండేసి వాపు లేదా గాయం ఉన్న చోట పెట్టుకుంటే మంచి ఫలితం ఉంటుంది.

* తగినంత మంచి నీరు తాగకపోవడం కూడా కీళ్ల నొప్పులకు ఓ కారణమని చెబుతుంటారు. సహజంగానే వింటర్‌లో నీటిని ఎక్కువగా తీసుకోం. దీంతో నొప్పులు ఎక్కువయ్యే అవకాశాలుంటాయి. కాబట్టి చలికాలంలోనూ క్రమం తప్పకుండా నీరు తాగుతూ ఉండాలి.

* వింటర్‌లో వచ్చే ఒళ్లు నొప్పులను తగ్గించడంలో యాపిల్‌ సిడార్‌ వెనిగర్‌ క్రీయాశీలకంగా పనిచేస్తుంది. ఒక బకెట్‌ గోరువెచ్చని నీటిలో కప్పు యాపిల్‌ సిడార్‌ వెనిగర్‌ వేసుకొని స్నానం చేస్తే నొప్పులు తగ్గుతాయి.

* దాల్చిన చెక్క పొడి చేసుకొని పాలలో కలుపుకొని తాగితే కీళ్లనొప్పులు తగ్గుతాయి. రోజూ రాత్రిపూట గోరు వెచ్చని నీటిలో దాల్చిన చెక్క పొడి వేసుకొని తాగితే మంచి ఫలితం ఉంటుంది.

Also Read: Elaichi For Good Health: ఆస్తమాతో ఇబ్బందిపడుతున్నారా ? మీ ఇంట్లో ఉండే యాలకులు ఎంతో బెస్ట్..