నాలుగో బ్యాచ్ స్టార్టప్ అప్లికేషన్స్ షురూ చేసిన టీ-హబ్

కొత్త అవిష్కరణలకు వేదికగా నిలుస్తోంది తెలంగాణ టీ-హబ్. తాజాగా టీ–హబ్ రీడిజైన్ చేసిన తన ఫ్లాగ్‌‌షిప్ ప్రొగ్రామ్ ల్యాబ్ 32ను లాంఛ్ చేసింది. నాలుగో బ్యాచ్ స్టార్టప్ అప్లికెంట్లకు సరికొత్త అవకాశాలతో ఈ ప్రొగ్రామ్‌‌ను డిజైన్ చేసింది. కరోనా మహమ్మారి కారణంగా ల్యాబ్32 ప్రొగ్రామ్‌‌ను టీ–హబ్ రీడిజైన్ రూపొందించారు. ఎర్లీ, ర్లీమిడ్ లెవెల్ టెక్నాలజీ స్టార్ట‌ప్‌ లు తమ ప్రొడక్లట్‌ను మరింత మెరుగ్గా అభివృద్ధి చేసుకునేందుకు వీలు కల్పించింది. అంతేకాక, మరిన్ని మార్కెట్లకు విస్తరించేందుకు ఈప్రొగ్రామ్ ఉపయోగపడనుంది.

అంతకుముందు ల్యాబ్‌ 32 ప్రొగ్రామ్ కింద షార్ట్ లిస్ట్‌ అయిన స్టార్ట‌ప్ లు తప్పనిసరిగా హైదరాబాద్‌‌కు రావాల్సి ఉండేది. కానీ, ఈఏడాది హైబ్రిడ్ ప్రొగ్రామ్ కింద షార్ట్ లిస్ట్‌ అయిన స్టార్ట‌ప్‌ లు హైదరాబాద్‌‌కి రాకపోయినా.. అన్ని రకాల ప్రయోజనాలు పొందే వెసులుబాటును టీ-హబ్ కల్పిస్తోంది. దీని ద్వారా ల్యాబ్‌‌32 మాడ్యూల్స్ ప్రొడక్లట్‌ లేటెస్ట్ వెర్ష‌న్ల‌ను అభివృద్ధి చేయడంతో పాటు మార్కెట్ అవకాశాలను అందించనున్నాయి. నాలుగో బ్యాచ్ ల్యాబ్32 ప్రొగ్రామ్ లో నాలుగు నెలల పాటు శిక్షణ పొందాల్సి ఉంటుంది. సెప్టెంబర్ నెలల్లో ఈ ట్రెనింగ్ ప్రొగ్రామ్ మొదలుకానుంది. ఇందుకు సంబంధించిన అప్లికేషన్స్ ప్రక్రియ మంగళవారం నుంచి ప్రారంభమైనట్లు టీ-హబ్ సిబ్బంది తెలిపారు. దరఖాస్తులను 2020 ఆగస్ట్ 25 నాటికల్లా పంపించాలని వెల్లడించారు.