Sourav Ganguly : దాదా..పొలిటికల్ ఎంట్రీపై ఊహాగానాలు..ఇవాళ అమిత్ షా తో సౌరవ్ గంగూలీ భేటీ
బంగాల్ అసెంబ్లీ ఎన్నికలకు ముందు గంగూలీ.. గవర్నర్ను కలవడం ప్రాధాన్యం సంతరించుకుంది. రాజకీయ ప్రవేశం చేస్తారన్న ఊహాగానాలు మరింత జోరందుకున్నాయి.అంతే కాదు బీజేపీ ముఖ్యమంత్రి అభ్యర్థి గంగూలీ అంటూ కూడా ప్రచారం సాగుతోంది.
బెంగాల్ కేంద్రంగా రాజకీయం హీటెక్కుతోంది. బీజేపీలో చేరుతున్న వారి సంఖ్య రోజు రోజుకు పెరుగుతోంది. తాజాగా బీసీసీఐ అధ్యక్షుడు, టీమిండియా మాజీ కెప్టెన్ సౌరవ్ గంగూలీ కూడా కమలం వైపు వచ్చే అవకాశాలున్నాయని ఊహాగానాలు వినిపిస్తున్నాయి. దాదా ఆదివారం.. బంగాల్ గవర్నర్ను కలవడం చర్చనీయాంశమైంది. అంతేకాదు ఇవాళ.. కేంద్ర హోం మంత్రి అమిత్ షాను కలుస్తారని తెలుస్తోంది.
ఆదివారం సాయంత్రం.. బంగాల్ గవర్నర్ జగదీప్ ధన్కర్తో ప్రత్యేకంగా గంగూలీ సమావేశం అయ్యారు. ఈ మాజీ క్రికెటర్ రాజకీయాల్లోకి వచ్చే అవకాశాలున్నాయని కొంతకాలంగా ప్రచారం జరుగుతోంది. ఈ నేపథ్యంలో గవర్నర్ను కలవడం చర్చనీయాంశమైంది.
అయితే రాజ్భవన్ వర్గాలు మాత్రం గంగూలీ.. మర్యాదపూర్వకంగానే గవర్నర్ను కలిశారని, ఇందులో రాజకీయపరమైన అంశాలకు తావులేదని పేర్కొన్నాయి. గవర్నర్ కూడా కాసేపటికే ట్వీట్ చేశారు. పురాతన క్రికెట్ స్టేడియం ఈడెన్ గార్డెన్స్ను సందర్శించాలని గంగూలీ కోరారని, అందుకు అంగీకరించినట్లు వెల్లడించారు.
Had interaction with ‘Dada’ @SGanguly99 President @BCCI at Raj Bhawan today at 4.30 PM on varied issues.
Accepted his offer for a visit to Eden Gardens, oldest cricket ground in the country established in 1864. pic.twitter.com/tB3Rtb4ZD6
— Governor West Bengal Jagdeep Dhankhar (@jdhankhar1) December 27, 2020
అయితే బంగాల్ అసెంబ్లీ ఎన్నికలకు ముందు గంగూలీ.. గవర్నర్ను కలవడం ప్రాధాన్యం సంతరించుకుంది. రాజకీయ ప్రవేశం చేస్తారన్న ఊహాగానాలు మరింత జోరందుకున్నాయి.అంతే కాదు గంగూలీ బీజేపీ ముఖ్యమంత్రి అభ్యర్థి అంటూ కూడా ప్రచారం సాగుతోంది. అమిత్ షా తో భేటీ అవుతారా? పార్టీలో చేరతారా? అనేది తేలాల్సి ఉంది.