ప్రపంచ వ్యాప్తంగా వర్ణం ఓ వివాదంగా మారుతోంది. ఎప్పుడు బ్రిటీష్ సామ్రాజ్యాన్ని కుప్పకూల్చిన వర్ణం వివక్ష మళ్లీ తెరమీదికి వస్తోంది. తెలుపు వర్ణం మాత్రమే అందం.. మరో వర్ణం అందం కాదు అనే స్థాయిలోకి ప్రపంచ ప్రజానికం వెళ్లిపోయారు. అయితే తాజాగా బాలీవుడ్ బాద్ షా షారూక్ ఖాన్ కూతురిపై నెటిజన్లు ఇదే అంశంపై ట్రోలింగ్ చేశారు. వారి కామెంట్స్కు ఈ చిన్నది అదే స్థాయిలో తిప్పకొట్టారు.
తన రోజువారీ జీవితానికి సంబంధించిన ఫొటోలను తరచూ సోషల్మీడియా వేదికగా ఫ్యాన్స్తో బాలీవుడ్ స్టార్ హీరో షారుఖ్ ఖాన్ కుమార్తె సుహానా ఖాన్ పంచుకుంటుంటారు. షారుఖ్ కుమార్తెగా చిన్నప్పటి నుంచే ఆమె ఎంతో మంది అభిమానుల ఫాలోయింగ్ ఉంది.
అయితే ఇటీవల కొంతకాలం నుంచి సుహానాఖాన్పై పలువురు నెటిజన్లు తీవ్రంగా ట్రోలింగ్ చేస్తున్నారు. సుహానా అంతగా అందంగా ఉండదు అంటూ కామెంట్లు పెడుతున్నారు. మరికొంతమంది నెటిజన్లు అయితే ఇంకొక్క అడుగు ముందుకేసి.. సుహానా గురించి మీమ్స్ కూడా తయారు చేశారు.
కాగా, తనపై వస్తోన్న ట్రోలింగ్ గురించి సుహానా తాజాగా స్పందించారు. తన అందం గురించి కామెంట్లు చేస్తోన్న వారందరికీ గట్టిగా సమాధానమిచ్చారు. ప్రస్తుతం ఉన్న సమాజంలో ఎన్నో సమస్యలు మనం చూస్తున్నాం. వాటిలో ఇది కూడా ఒకటి అని అన్నారు. దీనిని మనం రూపుమాపాల్సిన అవసరముందని పేర్కొన్నారు. ఇది కేవలం నేను ఒక్కదానినే కాదు ఎంతో మంది ఎదుర్కొంటున్నారు అని ఆవేదన వ్యక్తం చేశారు.
నేను చూడడానికి అందంగా ఉండడని నెటిజన్లు చేసిన కామెంట్లు నా దృష్టికి వచ్చాయి. నేను 12 ఏళ్ల వయస్సు ఉన్నప్పటి నుంచి నాపై ట్రోల్సింగ్స్ చేస్తున్నారు. నేను మాత్రం వాటిని చూసి బాధపడను. ఇలా ఉన్నందుకు నేను ఎంతో సంతోషిస్తున్నాను అని సుహానా ఇన్స్టా వేదికగా ఓ పోస్ట్ పెట్టారు.