పవన్ కల్యాణ్ 28వ సినిమా ఫస్ట్ లుక్

పవన్ కల్యాణ్ ఈ మధ్య ఎన్నడూ లేనివిధంగా దూకుడు పెంచి వరుసగా సినిమాలకు గ్రీన్ సిగ్నల్ ఇచ్చారు. ఈ నేపథ్యంలో పవన్ పుట్టిన రోజు వేళ ఆయా సినిమాలకు సంబంధించి సరికొత్త న్యూస్ రివీల్ చేస్తున్నాయి ఆయా చిత్ర నిర్మాణ సంస్థలు. కొద్దిసేపటి క్రితమే పవన్ కల్యాణ్ 28వ సినిమాకు సంబంధించి పోస్టర్ రిలీజ్ చేసింది మైత్రీమూవీ మేకర్స్ సంస్థ. PSPK 28 అంటూ ఉన్న ఇంగ్లీష్ అక్షరాల మధ్య సర్దార్ పటేల్, సుభాష్ చంద్రబోస్ బొమ్మలతో కూడి ఈ పోస్టర్ రూపొందించారు. అంతేకాదు, వెరైటీ మోటార్ బైక్ మీద పెదబాలశిక్ష పుస్తకాన్ని ఉంచారు. ఈ సారి కేవలం ఎంటర్ టైన్మెంట్ మాత్రమే కాదు అన్నది పోస్టర్ కింద రాసుకొచ్చారు. హరీశ్ శంకర్ డైరెక్షన్లో తెరకెక్కుతోన్న ఈ సినిమా మైత్రీ మూవీ మేకర్స్ నిర్మాణంలో తెరకెక్కుతోంది. దేవీశ్రీ ప్రసాద్ సంగీతం.