రామ జన్మభూమిపై పాకిస్థాన్ ఆటగాడు ఇలా స్పందించాడు

అయోధ్య రాముడి గుడికి భూమి పూజను ప్రపంచ వ్యాప్తంగా కోట్లామంది వీక్షించారు. ఆనందాన్ని వ్యక్తం చేశారు. అయితే పాకిస్తాన్ మాత్రం భిన్నంగా స్పందించింది. ఇదే విషయంపై పాకిస్తాన్ మాజీ క్రికెటర్ డానిష్ కనేరియా మాత్రం చాలా ఆసక్తికరంగా స్పందించారు. న్యూయార్క్‌లోని టైమ్‌ స్క్వేర్‌‌లో డిస్‌ప్లే చేసిన రామమందిరం ఫోటోను షేర్‌ చేసి దానికి ‘జై శ్రీరామ్‌’ అని జోడించారు.

శ్రీరాముడి అందం ఆయన పేరులో కాకుండా వ్యక్తిత్వంలో దాగి ఉందని, శ్రీరాముడు మంచితనానికి, సౌభ్రాతృత్వానికి, ఐకమత్యానికి ప్రతీక అని పేర్కొన్నారు. ఎప్పటి నుంచో వివాదంలో ఉన్న అయోధ్యలో రామ మందిర భూమి పూజ జరగడంతో ప్రపంచంలో ఉన్న హిందువులందరూ ఆనందంగా ఉన్నారని కనేరియా తెలిపారు.