‘నా గర్ల్ ఫ్రెండ్ నన్ను కాదంది, అందుకే, నన్ను నేనే పెళ్లాడా ‘! బ్రెజిల్ లో ఓ వింత !

బ్రెజిల్ లో ఓవింత  వ్యక్తి తన గర్ల్ ఫ్రెండ్ తనను పెళ్లి చేసుకోవడానికి నిరాకరించి తనకు దూరమైందని, దీంతో చేసేదిలేక తనను తానే పెళ్లాడానని చెబుతున్నాడు.! డియోగో రాబెలో అనే ఈ పెద్దమనిషి గత నెల 17 న తన పెళ్లి శుభలేఖల్లాంటివి తానే చేతబట్టుకుని ‘తనను తాను వివాహం చేసుకున్నాడు’. ఇతని గత చరిత్రలోకి వెళ్తే.. డియోగో, ఇతని  ప్రేయసి వైటర్ బ్యూనో గత ఏడాది నవంబరులో ఎంగేజ్ మెంట్ చేసుకున్నారు. అక్టోబరు 17 న  పెళ్లి చేసుకోవాలని నిర్ణయించుకున్నారు. కానీ ఆ తరువాత ఏదో విషయమై ఇద్దరి మధ్యా గొడవలొచ్చి.. విడిపోయారు. దీంతో 33 ఏళ్ళ రాబెలో…ఇలా లాభం లేదని తనను తాను పెళ్లి చేసుకోవాలని నిర్ణయించుకున్నాడట.  అక్టోబరు 17 న ఓ లగ్జరీ రిసార్టులో తన కుటుంబ సభ్యులు, సన్నిహితుల మధ్య నన్ను నేనే పెళ్లి చేసుకున్నా అని చిరునవ్వుతో చెబుతున్నాడు. ఆ రోజును తన హ్యాపీయెస్ట్ డే అని అబ్జివర్ణించాడు. ట్రాజెడీగా మారాల్సిన రోజు కామెడీగా మారిపోయింది అని వ్యాఖ్యానించాడు. తన మాజీ లవర్ కి థాంక్స్ కూడా చెబుతూ..నీ మీద గౌరవం తనకు తగ్గలేదని, నువ్వు ఎక్కడికైనా వెళ్ళవచ్చునని ఈ మాజీ ప్రియుడు తన ‘విశాల హృదయాన్ని’ చాటుకున్నాడు.