Viral Video: అమ్మో బాహుబలి మొసలి.. అయినా బెదరని నైజం.. వీడియో చూస్తే సలాం కొడతారు..!
Viral Video: నీటిలో అత్యంత బలశాలి ఎవరంటే టక్కున గుర్తుకు వచ్చేది మొసలి. ఎవరు అవునన్నా కాదన్నా అది నిజమే. నీటిలో ఉందంటే..
Viral Video: నీటిలో అత్యంత బలశాలి ఎవరంటే టక్కున గుర్తుకు వచ్చేది మొసలి. ఎవరు అవునన్నా కాదన్నా అది నిజమే. నీటిలో ఉందంటే దాన్ని పట్టుకోవడం కాదు.. దాని దగ్గరికి వెళ్లాలన్నా భయపడతారు. ఎందుకంటే దాని క్రూరత్వం ఎంత దారుణంగా ఉంటుంటో అందరికీ తెలుసు. పళ్లతో చీల్చి చెండాడేస్తుంది. అలాంటి బాహుబలి మొసలిని బంధించడం అంటే.. నిజంగా గ్రేటే కదా. ఆస్ట్రేలియాలోని రెప్టైల్ పార్క్ సిబ్బంది ఓ భారీ మొసలిని బంధించారు. దీన్ని బంధించేందుకు పార్క్ సిబ్బంది తీవ్రంగా శ్రమించాల్సి వచ్చింది.
వీడియోలో చూడ్డానికే భయంకరంగా ఉన్న మొసలి.. చాలా పెద్దగా ఉంది. దాదాపు 400 కిలోల బరువు కలిగిన ఈ మొసలిని పట్టుకునేందుకు సుమారు ఏడెనిమిది మంది కష్టపడ్డారు. ఏ మాత్రం అజాగ్రత్తగా ఉన్నా అది అమాంతం మింగేసేది. అందులోనూ అటవీశాఖలో పనిచేసే సిబ్బందికి ఇలాంటి క్రూరమృగాల గురించి మరింత ఎక్కువగా తెలుసు. అందుకే చాలా జాగ్రత్తగా బంధించే ప్రయత్నం చేశారు. ఒక ప్లేస్‌ నుంచి మరో ప్లేస్‌కు అది కూడా సజీవంగా ఉన్న టైంలో దాన్ని బంధించి.. నోరు తెరవకుండా చేసి.. తరలించడం అంటే ఛాలెంజింగ్‌తో కూడుకున్న విషయమే. అలాంటి టాస్క్‌ను ఈ ఫారెస్ట్‌ ఎంప్లాయిస్‌ కంప్లీట్ చేశారు. కాగా, ఈ వీడియో పాతదే అయినా.. సోషల్ మీడియాలో మళ్లీ ట్రెండింగ్‌లోకి వచ్చింది. అంత పెద్ద మొసలిని బందించడం చూసి నెటిజన్లు అవాక్కవుతున్నారు. ఎంతైనా సిబ్బంది గ్రేట్ అంటూ ప్రశంసలు కురిస్తున్నారు.
