అనురాగ్ కశ్యప్ పై ఫైర్, పాయల్ కి కంగనా రనౌత్ సపోర్ట్

ఫిల్మ్ మేకర్ అనురాగ్ కశ్యప్ తనను లైంగికంగా వేధించాడంటూ నటి పాయల్ ఘోష్ చేసిన ఆరోపణలపై స్పందించిన కంగనా రనౌత్.. ఆమెకు మద్దతు పలికింది. అనురాగ్ కశ్యప్ ని అరెస్టు చేయాలని డిమాండ్ చేసింది. అనేకమంది అమ్మాయిలు సినిమా రంగంలో తమ అదృష్టాన్ని పరీక్షించుకోవడానికి వస్తుంటారని, అలాంటివారిని అనురాగ్ వంటివారు లైంగిక వేధింపులకు గురి చేస్తుంటారని, వారిని ఛీట్ చేస్తున్నారని కంగనా ట్వీట్ చేసింది. కొన్ని సందర్భాల్లో తను  కూడా అలాంటి వేధింపులను ఎదుర్కొన్నానని ఆమె పేర్కొంది. పాయల్ ఘోష్ పట్ల అనురాగ్ కశ్యప్ ప్రవర్తన బాలీవుడ్ లో కామన్ ప్రాక్టీస్ వంటిదే అని కంగనా తెలిపింది. అసలు ‘బల్లీవుడే’ (బాలీవుడ్) ఫుల్ ఆఫ్ సెక్స్యువల్ ప్రిడేటర్స్ అని ఆమె తన అక్కసును వెలిగక్కింది. అమ్మాయిలు ఇలాంటివారిపట్ల అప్రమత్తంగా ఉండాలని కంగనా సూచించింది.